اقتباس:
المشاركة الأصلية كتبت بواسطة ابو زيد الغييثي
حييت يابرق ٍ بنوّه يلوحي=في مزنة ٍ غرّى ريشت من سماها
ترعد وعالي نوّها فيه ضوحي=بأمر الذي يعلم مقادير ماها
من كثر ماهلّت تسيل السفوحي=وتمشي مسايلها وتملى وطاها
جعله على كل الجزيرة يسوحي= سواح رحمه كلنا في رجاها
يفرح ابها اللي في زمانه لحوحي= راعي النياق اللي بجهده رعاها
وضح ٍ اتلادن يتعبنّ السروحي= اللي مفاليها بعيد ٍ مداها
يجيبهن حس الرحول الضبوحي = ما قال ذيك مقفيه ويش بلاها؟
ووسومهن(عوج القلايد) تلوحي=( وضح ٍ غييثيـّات) ما احلا حلاها!
كم ربعن قفر ٍ ازهوره تفوحي=وكم ورد ٍ خضرا خطرها حماها
يرعن بظل معاشقين الطموحي= اهل المهار اللي اتعسكّر احذاها
تزاهلهم خطو الصهات الجموحي= ويزهالها ركابها لاعتلاها
لاقام صياح الضحاوي يجوحي= تشعشعت بأذيالها من بلاها
لحقت ((بخيال البويضا)) الطفوحي= وعلى لهيب النار صاح وشواها
وان قال(( انا ابن غياث)) 1 تارى وتوحي= ظرب يخلي الخيل ترمي افلاها
ومع بني عم ٍ تجوح الجروحي= بشلف ٍ مضاربها تثاعل ادماها
هذا ولد عم ٍ عديل الروحي=وهذا رفيق ٍ حربته قد وراها
وهذاك اخوي اللي صبوحه صبوحي= يذر في عين المعادي ادواها
اخوي لا كثرت عليّ النبوحي= ضد الكلاب اللي خبيث ٍ لغاها
كم خفرة ٍ على الحبايب تنوحي= في ملعب الزلبات يِقطع رجاها
ربعي جنب وضحا ً سناد ٍ رجوحي=من ذاق طعم حرابهم مابغاها
جنب ووايق في طويل السفوحي=وجاه الحصار وعافها ماخذاها
يدري وراها مبعدين الشبوحي=ذعار البلا تعطي البلا من بلاها
((غييثات)) لا قلت حكايا المزوحي=والأنياب بانت ماغطاها شفاها
يفرح بهم راع الحصان اللدوحي=والخيل جاها شرها من وراها
(حماية التالي)2 بيوم ٍ يفوحي =حره ونيرانه توقد لظاها
ذكراً لأهلنا باديه ما تروحي = من مقدم الأجيال للي وراها
والحرب فات وراح جعله يروحي = والله يعز الدار واللي حماها
وصلاة ربي عد برق ٍ يلوحي =واعداد ماهلت مقادير ماها
صح اللسانه
ملاييييييييييييييين
ولاهنت يابو مبارك على القصايسد الجزله عسا عمرك طويل
|
أبو زيد جعل يمناك مايجيها الشل
لاخلا ولاعدم
وصح بدنك وجعل عمرك طويل بالطاعات
ملاحظه بسيطه
وان قال(( انا ابن غياث)) 1 تارى وتوحي= ظرب يخلي الخيل
ترمي افلاها