عبدالعزيز الغزي يقول ويطول
عوايده جمع الرجال العزيزين
صميدعٍ معروف ماهوب مجهول
حرٍ تسلسل من شجرة البدارين
زوّد جزال فعول الاجداد بفعول
بيض الفعول اللي عليها براهين
له مجلسٍ بالعز يعرف ومدهول
وله وقفةٍ في حلها تعجب العين
مراجله حاضر بحاضر على طول
قرمٍ بوقفاته تقر الموازين
سيف لنا عند المواجيب مسلول
تنطح به الصعبات وتهون وتزين
ومن لابةٍ من دونهم يقصر القول
منصا رجال وللمراجل عناوين
تصول في ميدان الامجاد وتجول
آلاد بن بدران سقم المعادين
كم راس شيخ من علابيه مفصول
في دفل خطلان اليدين المضرين
ملجا الضعيف اللي لاقوه ولاحول
من وقت ابن بدران عامر لاذلحين
.