هذه من قصايد الشاعر : غانم بن حسن اللسان الهوامله
لاشفت من نهده شلع مقم الثوب
والعود زملوق نبت في سهلها
افز له واشتاقله كل مطلوب
واطرد وراها لين ندري بهلها
ثعلوقه والخو ضامر ومنهوب
له قذلة من حد شفه قذلها
لاطبت الملعب غدا للعرب شوب
والي براسه زوم غط وسحلها
حديثها احلى من حلا كل مشروب
والذ واحلا من مصفى عسلها
فاالزين مثل الخمس غالي ومطلوب
والشين مثل ريالها مع هللها
فمس الضحى عديت في راس مشذوب
رجم طويل نايف في مثلها
جريت في راسه من القاف مسحوب
واخذ سميل القاف واترك هزلها
لاجيت بدله دك في القلب دالوب
واحرق معاليق الضمير وشعلها
كن الغضى في داخل القلب مشبوب
والنود شرقين عليها جهلها
فمن اول للبيض طالب ومطلوب
والي تبيني ماندور بدلها
واليوم صد وارتكني على صوب
مع دربهن كني منطح جبلها
ليت الشباب يعود لسوق مجلوب
كان اشتريه بذود ابوي وفحلها
صصحح الله لسانك