هاذي احدى القصائد الغزليه لي انا الشاعر عبدالله مبارك الدوسري (ا بو خالد)
يازين مهما رحت وقبلت واقفيت = صورة خيالك ماتفارق خيالي
حتى ولو اقفيت وابطيت ماجيت = لاتحسبني عنك داله وسالي
ما والله انساكم ولاوني ابطيت = لا واللذي ماغيره احدن يسالي
اني فلا انسا كود عني تناسيت = ويلا نسيت انساك وانسى مجالي
مايطرد المقفين كود السفاليت = ماظن يالمجمول ترضى بهالي
هاذا بعد وازودك من الشعر بيت = حقايق من قلب غالي لغالي
ايلا لفابك طيف بالنوم فزيت = واصحى ولا والله وحيدن لحالي
وياكثر ماجاملت لجلك وراعيت = تكرم مدينه بهلها لجل غالي