[معلومات العضو برقن سرى]

اعزائي اعضاء المنتدى من المراسلات القديمه والجميله للشاعر الكبير سعد بن جدلان هذه الرساله التي وجهها للشاعر /عبدالعزيز بن دخيل الله السبيعي *** راكب اللي توهم من حفيزه طلعوه من وكالة جمس ابا لبيد ولا البهبهان لاوصلتوا عند عبدالعزيز فعلموه ماجراله عام الاول جرا لي ذا الزمان مع وليفٍ كل ماجا بيقرب بعّدوه صايرٍ من غيبته في عقايب وامتحان وان بغيت ارسل مراسيل جوني مالقوه محدٍ يكشف غايته في غبا ولا بيان كود انا ! والناس غيري حشا ماعاملوه انتعامل بالمحبه معاملة الاخوان يستحي من مكله الزاد بين امه وابوه خل عاد يعامل الناس في هرج الحنان ان بغيت اجيه شافوه ربعه واحرجوه وان بغيت اغيب طاريه جنني جنان يالأجاويد افزعوا وانقذوني وانقذوه وادعولي يالاجاويد في شهر رمضان وان لقيتوا راي من بو دخيل الله هاتوه لأن رايه هو ومثله بقلبي له مكان *** رد عبدالعزيز بن دخيل الله بهذا الرد الذي لا يقل قوةٍ وجزالة عن البدع *** مرحبا واهليــن بالخط واللي وصلوه عد ماتنشي وتمطر هماليل الغشان مرحبا واهلين برسالة اخوٍ عند اخوه كل ابو الاخبار عندي وضامنها ضمان كان بن جدلان يشكي من اللي عذبوه شل حملك مثل غيرك وخلك بهلوان الهوا قبلي وقبلك رياجيلٍ مشوه قبلنا بو زيد عذب ذلوله والحصان ويش رايك عاد ننساه مثل الي نسوه مانعرفه كود في مامضى كنا وكان الهوا ذا الوقت فاجوه ناسٍ ودمروه ولوحوا به مثل تلويح فلحا بالعنان خربوه اللي لياعينوا شيٍ كلوه مثل ماقال الممثل وسيعين البطان وراحوا اللي لاتحاصوا على السد حفظوه السدود محصنه والكرامه ماتهان ***