بسم الله الرحمن الرحيم
السلام عليكم ورحمة الله وبركاته
قبل ان أقول سالفة الشاعر سأقول سالفتي مع القصيدة :
في السابق اتابع برنامج الخميه الشعبية (يوم الخميس العصر)
كعادتي أسجل الحلقة وبعدين اكتب القصائد التي تعجبني
وكتبت هذه القصيدة وشاركت بها في كثير من المناسبات
كما هي ( قصة الدوسري وناقته وجاره ) وغيرها من القصائد ,,,,
يحكي الشاعر سالفته ومن ثم يطربنا بالقصيدة :
كنا طالعين لمكشات انا وربعن لي وكنت دايماً احب التعليق والتنكيت
فقالي واحد ماعندك هم !! ولا عمر صدرك ضاق !!
فقلت :
يضيق صدري واتشيـّل من الضيق= واضحك علن والهم يسعر بجوفي
ابعد على الونسه من سواجل طويق = لا جيت ابدله عادني سر خوفي
ولا تجدي الشكوى لكل المخاليق = ولا احدٍ مصددني لو اشرح ظروفي
ولو مصدقٍ ما قلت ما من توافيق = يصد عني والشكاوي تطوفي
ولا من فزع لو قلت وين المطاليق = الي لهم في كل عسره وقوفي
حسبوا صيحاتي جواره وتلفيق = وانا من اسباب الظروف مهروفي
اعوم ببحور الهواجيس وافيـق = وارجع لغبات الهجوس معسوفي
والله ماهمني هموم العواشيق = لو حب قلبي ناقشات الكفوفي
الي محبتهن تتـل المعاليق = نجـلا العيون مكملات الوصوفي
همي حقوق الناس جمله وتفريق = مدري متى يستدعي الحظ واوفي
صح لسانه ملااااااااايين
قصيدة وافيه ومليانه رغم قلّة أبياتها ..