بسم الله الرحمن الرحيم
اسم شاعر المليون القادم ان شاء الله كاملا
نايف بن محسن بن مسرع بن راشد بن سحيم الضباعين آل بوسباع المساعرة الدوسري
في هذا الموضوع نجمع لكم جميع قصائد الشعراء الذين تفاعلوا مع الشاعر نايف بن مسرع وعدد الشعراء الذين حصلت على مشاركتهم 22 شاعر ويستاهل ابومعزي هذا التفعل ولاهي غريبة على كل الشعراء هذه الوقفة ونتمنى دعم ابوعبدالعزيز بكل ما اوتينا من قوة في المراحل القادمة
القصائد |
على ابوضبي خيل سحاب الفرايد = ورا نوض برقه قام كل ن يخيله
ترادف خياله ثم جاله وقايد = على شاطي الراحة حقوقه وسيله
وقامت تجهز له جميع البدايد = وكلن يجوّد محزمه فوق خيله
زهمنا على الميدان راع العوايد = عليك الشعر والصوت منا وسيله
يانايف وراك اللي تروم النوايد = وراك الدواسر محزمك فالثقيلة
ابيات للشاعر محسن بن فالح الشكرة
مبروك يانايف حميد الوصايف=مثلت لك دار وجماهير ورجال
في شاعر المليون ذب النوايف=لك فالشعر مبدا ومخرج ومدخال
لامن سمعت الشعر من عند نايف=كنّك تقهويني من الكيف فنجال
ابيات الشاعر محمد بن سالم الخضراني
يستهيض الفكر فالبحر الرهاوي = فيه حبك وفيه سبك وفيه قوه
شاعر ياصل بعيدات الحراوي = يستهين الصعب من كثر الرهوه
ينقش المعنى من الصدر النحاوي = وتميز بالفرايد من علوه
شاعر نخشى عليه من الهقاوي = وشاعر تنشي على الامجاد نوه
وانت يانايف عليك الحلم ضاوي =فيك عقوتنا من المليون قوه
والله انك كفو يالحر يالنداوي= ضو بيرق شاعر المليون ضوه
ابيات الشاعر عبدالله العصيمي
النايف اللي بان في كل نايف=مقدام ربعه في اللقا ما تياسر
هذاك ابن مسرع فتى الجود نايف=شاعر ومتمكن وللطيب آسر
ذيبٍ على كل المهمات حايف=قدم على البيرق ولا هوب خاسر
من لابة تعرف ذرى كل خايف=الاد زايد كالحرار الكواسر
وانا معه مثل الجبال النوايف=وقفة عتيبيٍ خواله دواسر
ابيات للشاعر سلطان بن محسن المسعري
تقدمت يانايف عسى فالك التوفيق=ومثلك يجمل لابته في مواقيفه
سنافي وتصخر عاصي القاف لين يليق =لمنهو يعشق الشعر ذوقه وتصنيفه
الى القيت جملة مفردك تسمع التصفيق =جماهير ذق الشعر صاروا مواليفه
ابيات للشاعر تركي بن هذال بن نيف
مبروك يانايف تأهلك مبروك = ومبروك تمثيل الوطن والقبيله
انشهد انهم ماغووا يوم سموك = نايف وفعلك نايفآ في الطويله
قبيلتك في قمة المجد وصوك = وانت السفير المنتظر والدليله
وياشاطي الراحه مع عالم جوك= جيناك نسرج كل قبآ اصيله
والنا معك ميعاد والحكم متروك = في ليلة تسوى لنا الف ليله
ابيات للشاعر ابراهيم بن محمد العامر
حرن شهر من ماكره صوب الجنــــــــوب =ثم اتجــه يبــي العشـــاء فابـو ظـــبي
ان ساعفه للشرق ذعذاع الهـــــــــبوب= مخــلاب ابو مسرع عطيــب المظربي
البيرق اللي تنظره كل الشــــــــــــعوب= الحــروه انه حازته يمـــنا الصبــــــــــي
نايف ولد مسرع على الطيب محسوب=يستــاهل البيرق عريـــب المنــــسـبي
مثّل وطنا المملكه بين الشـــــــــــعوب =هذا ومــثله للدواســـر مكــســـــــــبي
ابيات للشاعر مهدي بن مسفر الحبابي
الف مبروك يانايف وريث الكواسر=الف مبروك يارمز يمثل قبيلة
شاعر جزل ذرب افعال والخصم حاسر =وكل حر اعيونه فوق راس الطويله
ارق راس الطويله دام ربعك دواسر =اهل الطيب وافعال الدواسر جزيله
ابيات للشاعر سلطان بن معجب الشكره
للعز في عين السنافي نوض =مبدع وقرم وشاعر مقدام
خوض التنافس يارفيقي خوض =دام الدواسر لك سند وحزام
ومدام شعرك مثل نبت الروض =شيح ونفل وزاهره وخزام
ابيات للشاعر جري بن شبيب ال بريك
مبروك يانايف لك التأهيل =تستاهل الترشيح يانايف
شاعر وشعرك مايبي تحليل =من سمع شعرك قال لك كايف
نوادر ما طبها التجميل =مثل الذهب ما لمعته زايف
سعره يزود وقابل التدبيل =وما منه يا نايف احد خايف
دربك خضر و نشجعك بالحيل =وبإذن الله البيرق بإسم نايف
ابيات للشاعر عامر النتيفات
من دون نقص وقاصر في عموم خوياك=انت المرشح وشعرك للملا شدها
وإن جات للدعم والتصويت فالله عطاك =قدر ومكانه وربع يسعدك مدها
تستاهل الطيب والناموس يالله عساك =موفق والرجال أمثالك نودها
ماعتدت اجامل بقاف الشعر هذا وذاك =وإن جا مجال وحقايق قلت واعدها
ومثلك حشيم يابن مسرع يشرف نباك =وافي وجاتك بيوت فايح ندها
شعور شاعر يعزك عل تلقى رضاك =اعذر قصوره وهو عاذرك في ردها
والفوز يانايف إن الله اراده وجاك =تستاهله.. وإن ذهب هامتك ماهدها
ابيات للشاعر سعود بن محمد الصخابرة
سلام يانسل المسمين نايف=يالي على كل النوايف تنوفي
شاركة فالمليون والشعر كايف=وانته على الطلات رجل امعروفي
وان راده الله ماتعود حسايف =البيرق اتجيبه وكلن ياشوفي
ابيات الشاعر صالح الصليبي الحقباني:
يانايف المنعور حييت حييت=وابشر بنا يالقرم في كل ميدان
حنا معك لامن نخيت وتعزويت =دواسرن يخضع لنا كل شيطان
وإن قاله الله نحتفل بك إلى جيت=والفوز فالك يابن مسرع كحيلان
ابيات الشاعر ناصر السعيد المسعري :
يانايف المسرع رفيع المهمات =انت جملها وانت مركا عمدها
انتا سفير المجد واهل الشهامات =رمز الدواسر كل دار بلدها
عقبالكم يانايف الفوز شارات =أنتا جملها وانت شذرة مددها
ابيات الشاعر لبنان بن عبدالله بن جايد الرجباني:
مبروك لك مبروك يالشاعر البيطار=تأهلك يانايف مع شاعر المليون
صيدك كما البستان وتضلله الاشجار=وفي داخل البستان من كل شكل ولون
وتقطف لنا من طيب الورد والازهار =تصاوير بدعك مثل لوحة بعرض فنون
قصيدك نغم له رنتن كنه المزمار =تغطرف به الورقا تهيض به المفتون
وانا مقصر في القول بس ارتجي الاعذار=يامن نعرفه بالطيب والجود له مرهون
ابيات الشاعر سعد بن مسفر بن قرنين :
محمد الزايد بعدله ما يميل=من ورى عجمان لا ميناء دبي
للتراث يرز مبناه الأصيل=وجاه شاعرنا عريب المنسبي
ألف مبروك وعسى عمرك طويل=يوم جانا علمكم فابو ظبي
نايف المسرع يسوي المستحيل=في الثقافة بالخليج اليعربي
نايف(ن) باسمك وباشعارك جزيل=ادحم الشعار بجنب ومنكبي
دوسري(ن) كفو كساب الجميل=عز شان الزايدي و التغلبي
في الشعر بازغ مثل نجمة سهيل=وكانها تصويت فابشر.. وش تبي
يالدواسر ياهل الوزن الثقيل=عزوتي خطلان الأيدي مكسبي
نبغي الفزعة بلا سيف(ن) وخيل=بالرسايل كل قوم(ن) تشعبي
ابيات الشاعر عبدالرحمن الجبابره الدوسري:
هلت تباشير الفرح واصطف تشكيل الحروف =تاخذ تراصف الابجدية في مراسيم ابتهال
في شاطي الراحة مكانها في مقدم الصفوف=ترسم على شكل الفرح " نايف " تحفز للنزال
ردوا معي قاف النشيد وارقصي له يالهنوف =البيرق دوسري بتوفيق رب العزة والجلال
ابيات الشاعر فارس بن سالم الدبالين:
يالابتي ياهل السيوف الرهايف =ياجب علينا وقفتن للقبيلة
تكاتفو يالابتي لاجل نايف =الشاعر اللي مايجيب الهزيلة
نايف على اسمه عاشق للنوايف=مايهتوي ياكود بدع الجزيلة
من لاذ بحماكم فلاهوب خايف =عاداتكم ياكاسبين النفيله
اللي نبي شي(ن) ولا به كلايف =نبغا الرسايل مثل وبل المخيلة
ابيات الشاعر سالم بن عبدالله الشكره:
مبروك يانايف تأهلك مبروك =إل شاعر المليون في دار زايد
تستاهل البيرق ليا منهم اعطوك =مبدع وفكرك جاب زين الفرايد
شاعر مفوه تكتب الشعر محبوك =وتمثل بشعرك كل تغلب وزايد
ابيات الشاعر فارس الفصام :
بإسم الوطن وأيضا باسم القبيلة =آلاد زايد تفتخر في ولدها
يانايف إن شفت الحمايل ثقيلة =اصدح ولا لك في الحمول ونكدها
حنا نشيل الحمل حنا نشيله =لك لابتن مهيب تذخر جهدها
الشاعر صالح بن عبدالله بن ربيعان الدوسري:
السفير اللي يمثل له قبيلة =والله إنه كفو للبيرق يشله
دوسري(ن) قرم وعلومه جزيله =ضارين بالطيب قسمه منه كله
نايف اللي كل حمل يرتكي له =لا ورد عد(ن) لزوم إنه يعله
ابيات الشاعر ناصر بن قبلان الحارثي
ياللي تبي المرقاب عجل خطاويك=الوقت ضيق والمسافه طويله
وحنا ترانا كلنا في حراويك=نبغي تجيب الحاجه المستحيله
نبغيك ترقى قمة الشعر نبغيك=بالمفردات الساميات الجزيله
ونبغي تصافح شمخ السحب بايديك=وتشرف الدوله وكل القبيله
هذي هقاوينا عسى الله يقديك=واللي سواتك ما يجيب الفشيله