السلام عليكم ورحمة الله وبركاته
تلبية لطلب الأخوان في تنزيل القصيده في موقع الدواسر الرسمي
وهي قصيده في حفل تزكية قبيلة الدواسر فالكويت لمرشح القبيلة / فهد بن ناصر بن غصين المشاوية في انتخابات مجلس الامة 2012
1-بديت بذكر رب العالمينا=إلاهٍ واحدٍ فردٍ معينا
2-رحيمٍٍ يغفر ذنوب الخلايق=رفيع الشان ملجا المعسرينا
3-عزيزٍ نعبده في كل حزه=لوجه الله حنا ساجدينا
4-بعد ذكر الله الواحد اببدا=ببدع القاف و اختار السمينا
5-وانا شاعر و لي في الشعر سيره=ولي وقفه تسر الناظرينا
6-ولو سني صغير مايخالف=اجيب الجزل واكب الرطينا
7-ترى كبر الفتى بالعقل والا=ياكم كبار سنٍ ضايعينا
8-تعالي ياهجوس الشعر جودي=بجزل الشعر جودي به علينا
9-تعالي وانظمي جزل الفرايد=جزيلاتٍ تسر السامعينا
10-ابمدح لابتي صبيان دوسر=وبظهر كل مخزونٍ دفينا
11-سلام الله عليكم يالدواسر=سلامن مثل نفح الياسمينا
12-كذلك مثل نفحات الخزاما=على اهل الطيب والصيت الرزينا
13-اهل الأمجاد سجل يامؤرخ=فعولٍ واضحه كالفرقدينا
14-فعولٍ سامية كلٍ عرفها=وبفعل الدنفسه لاماسعينا
15-دواسر كل هية نحتميها=على العايل صفوف جاهزينا
16-مزبنت الدخيل وحن ملاذه=الى جانا لعصاته واسمينا
17-وحن اهل الخوي لازاد غمه=نفرج غم مكتوف اليدينا
18-دواسر مثل سدن مايهمه=ولو كثروا عليه الطامعينا
19-كسبنا الطيب بدوان وحضاره=جمعناها بأفعال اليمينا
20-ولياجا للكرم طاري يوقف=دواسر عد يروي الضاميينا
21-وهاذي امجاد من عصرن قديمي = ورثنا الطيب من ماض السنينا
22-وتقدم فهد بن ناصر وحنا = علينا تاجب الفزعه علينا
23-علينا بالتكاتف والتلاحم = على سلم الجدود الاولينا
24-انادي بالتغالب وآل زايد = واصوت للرجال الطايلينا
25-دواسر كالجسد لامن تشاكا=تداعا كل عضوٍ فازعينا
26-دواسر كالجبل راسي وشامخ=رغم كل الصوادف ثابتينا
27-تسلسنا من الجدين تغلب=وزايد نسل الازد الزايدينا
28-عليكم بالتكاتف والتعاون=وشوموا عن كلام المغرضينا
29-وترا نول المعالي بالعزايم = ولاتاتي سوا بالحالتينا
30-عزومٍ تنطح الوقت وحمايا =وبتقديم الحرار النادرينا
31-فلا الأمجادُ تُؤتى بالتمني = سوا بالحزم والشور السمينا
32-وترا ذا موقفٍ بين القبايل = وكسب الطايله مخلوق فينا
33-لنا تاريخٍٍ يشرف رواته = ولنا فعولٍ تشيب المرضعينا
34-وموقفنا يشرف لاحضرنا = رسمنا العز في أعلى الجبينا
35-ولابه قاصرن في كل عزوه =ولانبخس حقوق الغانمينا
36-وتمت قلتها وانا مقصر=ونرجي العذر كان إنا خطينا
37-وبختمها عدد وبل المخيله=صلاة الله على الصادق الامينا
الشاعر / خالد بن غازي البرجس المشاوية الدوسري