بسم الله الرحمن الرحيم
إخواني وأخواتي أعضاء وزوّار المنتدى
السلام عليكم ورحمة الله وبركاته
أضع اليوم بين أيديكم قصيدة للشاعر / عبدالله بن بخيتان بن ضافي المخاريم
التي قالها في حفل زواج خاله عبدالعزيز بن فهد بن مثقال الغياثات
أمام صاحب السمو الملكي الأمير / أحمد بن عبدالعزيز نائب وزير الداخلية حفظه الله ورعاه
آمل أ، تنال على إعجابكم
اعداد ما هل المطر من سحابته=وما سال به سيل وبانت منابته
الحمد لك يا فالق الحب والنوا=يحمدك عبد لك سجوده وانابته
على سلامة خادم الدين والحرم=اللي شمخ بين العباد بمهابته
نقول له لا باس من روح صادقه=من عقب وعكات مع الوقت انابته
الشعب من الاعماق ما يوقف الدعا=ويرجي من الرب الكريم استجابته
يرجع لنا ونعيش فرحه بعودته=يفرح بها شعبه وتفرح قرابته
دامه عطانا الحب نعطيه حبنا=نكسب رضاه وحبنا من كسابته
اما بعد للشعر وقفه ومنزله=وان ما اطرب الاسماع ما ابغى كتابته
وشعري من الاعماق بالمدح يندفع=للي شمل كل الصدور برحابته
وقفت ارحب به واعبر بفرحتي=وابعث شعور بين الاضلاع كابته
ما يندفع يا كود في مدح سيدي=ذرب اليمين اللي تنومس ذرابته
يا ناشد عنّه فلا هوب ينجهل=جاني سؤالك واخذ مني اجابته
احمد سليل معزي معرب النسب= بين السديري والامام انتسابته
احمد سليل معزي ان عدوا الكرم=غيث على كل العباد انسكابته
احمد سليل معزي ان قال كلمته=فصل الخطاب المعتبر في خطابته
احمد سليل معزي ان عدوا الوفا=تمدح وفاه الناس ما يوم عابته
احمد سليل معزي ان عدوا الظفر=يقفون ظفران اللقا من حرابته
الخاسر اللي يزعله ساعة الغضب=والرابح اللي ما يجي في طلابته
ليث البلاد مرسّخ الأمن في الوطن=مثل الأسد ما احد توهق بغبته
مفني حياته يخدم الدين والعلم=حتى شمخ مثل الجبال انتصابته
خفاق في ساعات الأحداث ما انتكس=من هيبته شجعن الاخصام هابته
راعي الأمان بجهده الدار وامنه=نايب وزير نفتخر في نيابته
ذراع نايف الأيمن وسعد ناظره=سيفه سعد عينه حزامه عصابته
للصاحب الواي مثل صافي الشهد=وعلى العدا صلب تروّع صلابته
ولولا صلابة ضرب كفه على العدا=جتنا العدا كل يحرك عصابته
مايقبل الإرهاب والظلم والشغب=على الوطن وامن المواطن رقابته
يجند رجال عوايدهم الفدا=ذيب نشر على المواقع ذيابته
يا الله عسى الجنات مثوى لوالده=ولأم من خيار الرياجيل جابته
يا سيدي شوفتك تشرح صدورنا=كل يبيّن بسمته من لبابته
في حفل لاد غياث كسّابة الثنا=أهل الولا اللي ما تزعزع ثوابته
وان صاح صيّاح القشر ساعة الخطر=يقفي الجبان ولابة العز ثابته
وعبدالعزيز بن فهد يتبع الخطا=في صدره علوم المطاليق نابته
ما مات ابن مثقال وابنه يشابهه=يا الله عسى الجنة من الرب اثابته
قام المخيريمي يرحب بوقفته=يقولها لك باسم خاله ولابته
كل يقول ألفين مرحب ومسهلا=اعداد ما هل المطر من سحابته
وتقبلوا تحيات أخوكم متحري الصدق