السلام عليكم ورحمة الله وبركاته
هذه مساجلة بين الشاعرين
عبدالله بن زويبن الحربي و عبدالله بن عون العتيبي
يقول بن زويبن
مشينا من العارض علـى صافـي الماطـور
نــهــار الـسـفــر مــــن لايـدنّــيــه مــادنّـــا
عـسـى الله يعـديـه العـواكـيـس والـعـاثـور
بـنــا يـــم ابـــو سـلـمـان مـنـعـوب ومـعـنّـا
عزمنـا وحنـا مــن محـبـه وطـيـب شـعـور
علـيـه الحـريـر اضـعــف سـلـوكـه يـجـرنّـا
يسوقـه صبـيٍ مــن عتيـبـة طـويـل شـبـور
يــطـــوف الـمــواتــر كـلــهــا مـايـطـوفـنّــا
وعلى الباب الأيمن شاعر عتيبه المشهور
ابــن عــون فــي طـاروقـه المـنـفـرد غـنّــا
وانا والشويّـب نحسـب ان اللحـن مكسـور
نـقـول اعــدل الـطـاروق واثــر الـبـلا مـنّـا
غـريــبٍ علـيـنـا لاهـجـيـنـي ولا مــجــرور
وقـعـدنـا نـغــرّد خـــارج الـســرب لاهــنــا
علـى الـدبـك مـثـل المستجـديـن بالطـابـور
وتـعـبـنـا وعـفــنــا واسـتـخـرنــا وهــونـــا
وقـعـدنـا نـعـايـن فالانـبـيـرات والـديـكــور
تــقــل فــيــه شــــيٍ فـالـغـمــاره مـهـولـنــا
لـيـن انــا نسفـنـا نسـفـت الـمـوج للبـابـور
بـريــدة وسـكــان الـمـلـيـدا عــلــى ايـمـنــا
ولقينا جسوراً تنطـوي فـي بطـون جسـور
وعلـى واحـداً منـهـن عـلـى الــرس ميلـنـا
ولقينـا الحويفـي واقـفٍ عنـد بـاب الـسـور
نطـحـنـا بكـلـمـة مـرحـبــا حــيــن حـولـنــا
وقلطنـا وهـو يقبـل ويقفـي كمـا المسـعـور
يـشـعـشـع وعــــدّه بـالـتـراحـيـب يـاكـلـنــا
وعليـنـا عيـالـه يـدرجـون اشـقـرٍ مـذعـور
وراه الـمــداخــن كـــــل لـحــظــه يـمــرنــا
وسمـعـنـا وسولـفـنـا وجـــا للـمـثـايـل دور
وسمعنـا طرايـف شعـرهـم واسمـعـوا مـنـا
وقلطنا على السفره عسى خيرهـم مكثـور
واكلـنـا مــن اسـمـان المفاطـيـح لـيـن انــا
سمحنـا وعودّنـا علـى المجلـس المعـمـور
وقـعـدنــا نـسـولــف سـاعـتـيـن وتسـهـلـنـا
لأهلـنـا وجيـنـا يــوم بـيّـن شـعــاع الـنــور
تـبـيّــن وشـفـنــا والــظــلام انــجــلا عــنــا
ونبيـهـا زيــاره دايـمـه كــل ســت شـهـور
يـزورونــنــا ونــزورهـــم كــــــان خــلــنــا
الايــام لــو ماهـيـب دايــم فــرح وســـرور
تعـشّـن مـحـمـد والصـحـابـه مـاهــو حـنــا
يـقـول الـخـلاوي بالمـثـل قدمـنـا بـعـصـور
نـــعـــد الـلــيــالــي والـلــيــالــي يــعــدنـــا
وهذا رد عبدالله بن عون
علـى وسـق جـيـبٍ كـنـه الريـمـي المـذعـور
رفـعـنــا الهـجـيـنـي يــــوم فــوقــه تــوازنــا
انــا والزمـيـل مـنـيـف والمـنـهـي الـمـامـور
دعـيــنــا وأجـبــنــا لابـوسـلـمــان واذعــنـــا
بـعـد مافـهـق صلـبـوخ بـــادرت بالمـيـسـور
نغـنـي بـيـوتٍ مــن قـصـيـداً مـاهــوب إلـنــا
وابـو بــدر جاوبـنـا ولا بــان مـنـه اقـصـور
ثـــلاثـــه ورابــعــنــا رفــــــض لايــعــاونـــا
وابـو بـدر مـثـل امـقـدي الـخـور بالمقـهـور
لــيــا شـافــنــا تـهــنــا الـطـريـقــه تـمـاكـنــا
ويـقـول انــت قـدامـي وانــا دوب بالنـاظـور
اشـوفـه وهـــو قـدمــي عـلــى مـثــل مـاكـنـا
لاشـــك الـرهــا مـاحــط لـلـشـك عـنــده دور
عـقـيــداً لـحـالــه مــاغــزا مــعــك يـامـهـنــا
هـو الشاعـر الكابـر وانـا الشاعـر المكـبـور
وكــلام الـصـراحـه مـــن كـمـالـت مراجـلـنـا
لـو الشعـر لــه لجـنـة عـدالـه ولــه دسـتـور
لابــوبـــدر جــــــزلات الــجــوايــز تــعــدنــا
لاشـك انحمـد ربـي علـى وضعنـا المسـتـور
لــجــان الـقـصـايـد مــثــل لـجـنــة مـزايــنــا
ارا شعـر بعـض النـاس رشٍ بــدون انــذور
الـــى مــــره الـعـاصــوف شــالــه ولا ثــنــا
علـى جـرتـه تلـقـا وســاع الفـجـوج ادهــور
الـــى جـــا الـفـيـاض الضـامـيـه ماسقـاهـنـا
كــلامٍ رخـيـصٍ لــو يصـفـق لــه الجـمـهـور
ولــــو شـجــعــه مـــــاراح مــنـــا ولا مــنـــا
يحـور ويــدور بفكـرتـه مايـجـي المحـضـور
عـــن المـنـهـج الـمـعـتـاد مــاهــون ومـثـنــا
نجامـل ولا نشـره علـى العمـي هـن والعـور
جالـى مـارضـى الـلـي قبلـنـا كـيـف يرضـنـا
ومـزار الحويفـي نعتلـي بـه خـشـوم الـقـور
وعـلــى ضـلــع ابـــان ومـــا تـبـيــن تـبـيـنـا
هـشـاشٍ بـشــاشٍ كـــل ماحـصّـلـه مـدمــور
ودمــاره عـلــى الـخـرفـان والـهـيـل والـبـنـا
عسى اللي سواته من صدوف الدهر ماجور
ويـــمـــد بـحــيــاتــه ويـحــمــانــا ويــمــنـــا
يابـو بـدر ماعنـي وعــن صاحـبـي مـذخـور
تعـجـرف علـيـنـا وانـــت بالـطـيـب ضـامـنـا
انــا والشـويـب كلـنـا فــي رضــاك حـضـور
نجـامـلـك وانــتــه يــاجــب انــــك تجـامـلـنـا
نـقــدرك ونـراعـيـك وانـــرد لـــك بـالـشــور
ومـدامــك عـلــى هـالـحــال لاعــــاد تـامـنــا