في هذا المتصفح اجمع لكم جميع محاورات الجدول الاول اتمنى ان تنال استحسانكم واعجابكم
المحاورة الاولى بين الشعراء مسعود المقيبلي والشاعر مسعود الدوسري
مسعود المقيبلي
ياسلام الله سلامٍ يشد الانتباه=من هجوسٍ كل لحيه تعرف حقوقها
صاحبي مسعود لي معه علمٍ ماخفاه=في مغيب الحجه اللي سعى بشروقها
مسعود الدوسري
مرحبا ترحيبتين لها وجهن وجاه = من هجوس الشاعر اللي نصاك ايسوقها
خلها ياصاحبي بين ذيك وبين ذاه = السحابه تحتها والسما من فوقها
مسعود المقيبلي
والبقى بك ..مير وضعك يثير الاشتباه=مابقى لك كون مسك العرب بحلوقها
عام الاول ماتجيبك لنا حتى الوصاه=والسنه ذي كل ديره تطب بسوقها
مسعود الدوسري
مابغيت احد بعض العرب على قصاه = ولا انا ليلى تبيني وانا معشوقها
والهواوي لابغا دار يمشي في هواه = لا ترده من ديارن طمع في سوقها
مسعود المقيبلي
انتلحف بالعباه ..البلا وسط العباه=قربة تال الزمن بان نضح شقوقها
كل ماقلنا تشالا.. طلع مامن شلاه=ليتها ياصاحب الطيب في صندوقها
مسعود الدوسري
يستر الله لا يقولون به حالة وفاه = والمنيه لاتسبب له وتذوقها
والمثل قد قال من دور الشي لقاه = والسحابه فوق راسك تلوح بروقها
مسعود المقيبلي
خابرٍ بعض العرب لو حظر هو وقصراه=مايعرف من الشجاعه سوى منطوقها
احسب انك تطلب من المشاريه النجاه=واثرك اللي يعترض دربها ويعوقها
مسعود الدوسري
لو بغيت تخاشر الذيب سرحان بعشاه = السباع اللي تعاوى نسد شدوقها
مير رح للبر والذود واسمعني تراه = يشرح الخاطر وتسلى البدو مع نوقها
مسعود المقيبلي
انت تال الوقت ياصاحبي مالك غناه=وعينك ان حاربتك النوم حررم موقها
لا تعلمني ولا احتاج من عندك وصاه=مير رجلك خلها تدرج برفوقها
مسعود الدوسري
من تهووز بالعصى طبعنا نكسر عصاه = بس مانوذيه والبل على طاروقها
انت تمسك ماء بكفك وتضرب في صفاه = والزبيديه يدلك لها رقروقها
مسعود المقيبلي
ارتفع عن ساقط الهرج والقالي وجاه=وانت كررم لحيتك والشنب من بوقها
لا تحسب ان من بغى شي حصل مبتغاه=الكبود من الزمن ماتطيب حروقها
مسعود الدوسري
والله انها فالسما ماتحول للوطاه = والزهور اليانقه قاطفن زملوقها
والرجل يجمع من الطيب وايحذفه وراه = واسلم وسلم ودم العرب باعروقها