الله من دنيا كثيراً نكدها= من ضحكته اليوم لابد تبكيه
يفرح بها الجاهل ومن لاعرفها= والمٌمل الي مادرى انها بتنهيه
وأنا شربت امرارها مع كدرها= وحدتني ظروفي على شي مابيه
تلعب بي الدنيا ولاحداً منعها= من ظلمها لي لين خلتني اتيه
في عالم ما عاد نعرف سنعها =ناساً تعيف الخير ماهي بتبغيه
نفوسهم عفنه ودايم غضبها= لوكان ماله حق لابد تنبيه
لاكن رجا نفسي وغاية طلبها= بيد من هو فاني العظم يحييه
يصلح لنا احوالنا ويعدلها= ويقضي على الانذال والشر ينهيه