بسم الله الرحمن الرحيم
السلام عليكم ورحمة الله وبركاته
من قصائد الفخر والاعتزاز للأمير محمد السديري التي اشتهر بها هذه القصيدة:-
ون صـار زود المـال بيديـن الانــذال
حـنّـا مــن الـمـعـروف تـنــدا يـديـنـا
وان كانهم شرهوا على طيب الافعال
حـنّــا وردنـــا جمـامـهـا وارتـويـنــا
وان فكّـروا للـجـود يمـشـون رحّــال
حـنّـا قـبـل يـمـشـون يّـمــه خطـيـنـا
يـا مـا لبسنـا للـشـرف كــل سـربـال
عـلـى البسيـطـة للفضيـلـة مشيـنـا
فـي دوحـة العربـا لنـا مجـد وظــلال
وحـنّــا عـلــى در الـمـكـارم غـذيـنـا
لو نجمـع اللـي فـات منـا مـن المـال
إن كــان شيـدنـا الـقـصـور وبنـيـنـا
نعـطـي ولا نتـبـع عطـانـا بـالاقــوال
ونـبـذل ونسـكـت كنـنـا مــا عطيـنـا
وان باعـوا الشيمـة بديـنـار وريــال
حـنــا دخـلـنـا سـوقـهـا واشـتـريـنـا
نطلع لها لو هي علـى روس الاقـذال
لـو هـو عسيـر ٍ دربـهـا مــا انثنيـنـا
بافعـالـنـا نـرســم دروب ٍ لـلاجـيــال
إلـــي نـسـاهـا غـيـرنـا مـــا نسـيـنـا
أســود ســادات ٍ تـسـجـل لـلاشـبـال
فـضـايـل ٍ شـمـنـا لــهــا واهـتـديـنـا
بيـض ٍ نسجلهـن جـديـدات وسـمـال
حـفــايــظ ٍ لاحـفــادنــا الـلاحـقـيـنــا
نصبر علـى الشّـدات لـو شيلنـا مـال
لــو ســال دم دفـوفـنـا مـــا شكـيـنـا
نـخــاف يـلـقـى سـدنــا كـــل خـتّــال
ويبـنـي هـزيـلات المـعـانـي علـيـنـا
الليـل يــا خـالـد عـلـى والــدك طــال
وهـنّـيـت نـــاس ٍ بـالـكـرا نايـمـيـنـا
يا عز راسـي شفـت مـا خبـث البـال
شـــي ٍ يـهــوّل شــيّــب الجاهـلـيـنـا
شـي ٍ مـن اسبابـه يشيـب بالاطـفـال
فـطّـر خـشـوم مهجـرعـات الحنـيـنـا
أديــر قــالات ٍ عـريـضـات وطـــوال
قــــالات خــلــنّ الـمـخـفــىّ يـبـيـنــا
منهـن رزيـن العقـل بالوقـت يهـتـال
بـوقـت ٍ عـبــوس ٍ فـطّــن الغافلـيـنـا
وقـت ٍ مـن اسبابـه شكـى كـل ريبـال
نـصـبـر ونـسـكـت كـنـنــا غايـبـيـنـا
الـنــاس بــالأيــام راحــــل ونّــــزال
تفجـعـهـم الـدنـيــا وهــــم دالـهـيـنـا
وحـيـات رب ٍ نــزل آيـــات الانـفــال
عــالــم خـفـايــا نــيـــة الـحـاقـديـنـا
ما اترك طريق العدل في كل الاحوال
لـــو يــرحــل الـمـريــخ للفـرقـديـنـا
رحم الله الامير الشاعر محمد السديري واسكنه فسيح جناته والمسلمين اجمعين ..
مما راق لي