بسم الله والصلاة والسلام على رسول الله
قصيدة قلتها في بني عمي الدواسر من غير قصور في باقي القبايل
لكن من الواجب علي ان اسخر ولو جزء من شعري لمدح ربعي المديحين
وهي أقل واجب أقوم به تجاههم
ألا يالله يـامـنــشــي الـســحــابــه = ومجري السيل منهـا بالبطينـي
ويامنجي الدخيـل إليـا إلتجابـه = تعيـن اللـي أبـى غـيـرك عويـنـي
تـقـدي منـطـق لسـانـي صـوابــه = وتعصمـنـي مــن الـزلــه تجـيـنـي
أبـبــدى بالمـثـايـل خــيــر مــابــه = كـــلام الــــرب رب العالـمـيـنـي
يقول الرب فـي محكـم كتابـه = بمعـنـى الآيــه الـبـحـر بحـريـنـي
وأناغوص البحـور اللـي تشابـه = وأجيب اللي يجملني سمينـي
أعد العـذب مـن حالـي شرابـه = وملحـه فـي كـبـود معارضيـنـي
أبنظـم مـن بنـات الفكـر جابـه = وأقــول الـحـق لـلـي سامعـيـنـي
أبــمــدح لابــتــي يـاخـيــر لابــــه = تسطـر مجدهـا مـاض السنيـي
ابــمــدح زايــــد الــلـــي عـزنــابــه = وتغلب من عصور الجاهلينـي
دواســـر والـعــدو لابــــان نــابــه = طحنـا حـب راسـه كالطحينـي
دخيـل الدوسـري يومـه جلابـه = زمانه مالشريف وشـاف شينـي
تـــعــــذره الــقــبــايــل والــقـــرابـــه = وكــل هــاب جـيـشـه خايفـيـنـي
نـصــانــا ثـــــم قــلــنــا مـرحـبــابــه = بعـونـه الله وكــل كـايـد يهـيـنـي
وداويـنــا عـمــا مـنـهـو صـطـابــه = عماه من الغـرور وشـاف زينـي
وخـوي الدوسـري لامنـه جابـه = وسم عصاه من اللي طامعيني
وســـج ديـارنــا بـعـصـي إركــابــه = وعليهـا يـلـوح وســم الممنيـنـي
وقصير الدوسـري بجـدار بابـه = أخذ حقه ودى من غير دينـي
وضيف الدوسري لامـن لفابـه = تـجــي مثلـوثـتـه لـــو معسـريـنـي
وهرج الدوسـري ماقـد وشابـه = بـنــي مــــدري وحــنــا عـارفـيـنـي
وحق الدوسري محدن غدابـه = مـاضـاع الـحـق وإنــا مطالبيـنـي
وكـــل الـلــي ذكــرتــه مـاوافـابــه = ولا كـفـيـت سـلــوم الطيـبـيـنـي
وبخـتـم مـثـل مـاهـرجـي بـدابــه = وصــلاة الله لخـيـر المرسليـنـي
عبد الهادي بن سعد بن عجيبه الشكره
( نــايـــف الــجـــــال )