اقتباس:
|
المشاركة الأصلية كتبت بواسطة نايف بن مسرع
تعود بنا الذاكرة هذه الأيام إلى ما حدث قبل سنتين وفي منتصف شهر رمضان المبارك من الانفجارات الهائلة التي تعرض لها مجمع المحيا السكني بالرياض ، ونتذكر بالتحديد الموقف البطولي للأمير عبدالعزبز بن فهد بن عبدالعزيز الذي كان أول الواصلين لأرض الحدث بعد التفجير مباشرة وتحت ألسنة اللهب حاملاً سلاحه في يمينه ، وكان برفقته أيضاً الأمير الشاعر عبدالرحمن بن مساعد وآخرين...... وكان ذلك على مرأى من العيون فكتب الموقف شعراً:
على ارض القصيد وساحة الشعر والاداب=بلادٍ سمت بين الميادين نجدية
على ارض الرياض اللي لها فالديار حساب=وتاريخها الماضي تنومس طواريه
أبكتب قصيده لا انفتح للقصيد ابواب=وقصيدٍ بلا ماجوب ما نيب من حيه
شعاني الامير اللي فرق باول الشباب=ورقى في دروب المجد لاعلى مبانيه
حفيد الملك وابن الملك زاكي الانساب=عريب الخوال اللي له البيض مبنية
بليلٍ طغت به زمرة الموت والخراب=تعزوى وقال: العز والموت بيديه
نزل للمواجه صادقٍ صامل(ن) ماهاب=وليل الغدر فيه الخفافيش مخفية
بنصف الشهر... بدر السما كاملٍ ما غاب=وبدر الشباب بدارنا بانت اضوية
تنومس بفعله كل عودٍ وطفل وشاب=وله غطرفت عمهوجةٍ رمشها فيّه
ونخيت القصيد وكل شيٍ يجي باسباب=ولاغير ابو تركي يسيّر قوافيه
جمعنا الوفا والحب لاغلى ثرى وتراب=وفخرنا ليا قالوا: بلدكم سعودية
أجل.. ترتفع هاماتنا والمدى السحاب=ورثنا المفاخر ورث ما جات عارية
ولا من فتح لاهل الخرافات درب وباب=لنا وقفةٍ في الحق ما هيب منسية
يطوّل ظما من تاه يطرد ورا السراب=ومن يرد صافي العد حاجته مقضية
وفي دارنا نعرف الكل الكلام اعراب=سوى كلمة "الارهاب" تخسا ومنفية
|
صح لسانك ياعملاق الشعر والشعراء والشاعر البيطار/// نايف بن مسرع
لكل من اسمه نصيب وانت نايف على اسمك.
مبدع دائما وابدا عسى الله ان يحفضك من كل سوء ومكروه
وابلغ ماأقول لك وتستحقه (عسى الله ان يدخلك الجنه بغير حساب ولاعقاب اللهم امين)
اخوك في الله // خلف بن غصاب الشكره
رجوم الشياطين