[معلومات العضو ابو زيد الغييثي]

حيـيـت يـابـرق ٍ بـنـوّه يلـوحـي= في مزنة ٍ غـرّى ريشـت مـن سماهـا
ترعـد وعالـي نوّهـا فيـه ضـوحـي= بأمـر الـذي يعـلـم مقـاديـر مـاهـا
مـن كثـر ماهلّـت تسيـل السفـوحـي= وتمشـي مسايلهـا وتمـلـى وطـاهـا
جعلـه علـى كـل الجزيـرة يسوحـي= سـواح رحمـه كلنـا فــي رجـاهـا
يفرح ابها اللـي فـي زمانـه لحوحـي= راعـي النيـاق اللـي بجهـده رعـاهـا
وضـح ٍ اتـلادن يتعـبـنّ السـروحـي= الـلـي مفاليـهـا بـعـيـد ٍ مـداهــا
يجيبهـن حـس الرحـول الضبـوحـي= مـا قـال ذيـك مقفيـه ويـش بلاهـا؟
ووسومهن((عـوج القـلايـد)) تلـوحـي =(( وضح ٍ غييثيّـات)) مـا احـلا حلاهـا
يرعـن بظـل معاشقـيـن الطمـوحـي= اهـل المهـار اللـي اتعسكّـر احذاهـا
تزاهلهـم خطـو الصهـات الجموحـي =ويزهـالـهـا ركـابـهـا لاعـتـلاهـا
لاقـام صيـاح الضـحـاوي يجـوحـي = تشعشـعـت بأذي الـهـا مــن بـلاهـا
لحقت ((بخيـال البويضـا)) الطفوحـي= وعلـى لهيـب النـار صـاح وشواهـا
ومـع بنـي عـم ٍ تجـوح الجـروحـي= بشلـف ٍ مضاربهـا تثـاعـل ادمـاهـا
هـذا ولـد عـم ٍ عـديـل الـروحـي= وهـذا رفيـق ٍ حربتـه قــد وراهــا
وهذاك اخوي اللـي صبوحـه صبوحـي= يـذر فـي عيـن المـعـادي ادواهــا
اخـوي لا كثـرت عـلـيّ النبـوحـي =ضـد الكـلاب اللـي خبيـث ٍ لغـاهـا
كـم خفـرة ٍ علـى الحبايـب تنـوحـي= فـي ملعـب الزلبـات يِقطـع رجـاهـا
ربعي جنب وضحـا ً سنـاد ٍ رجوحـي= مـن ذاق طـعـم حرابـهـم مابغـاهـا
جنـب ووايـق فـي طويـل السفوحـي =وجـاه الحصـار وعافـهـا ماخـذاهـا
يـدري وراهـا مبعـديـن الشبـوحـي= ذعار البـلا تعطـي البـلا مـن بلاهـا
((غييثات)) لا قلـت حكايـا المزوحـي= والأنيـاب بانـت ماغطـاهـا شفـاهـا
يفـرح بهـم راع الحصـان اللـدوحـي= والخيـل جاهـا شرهـا مـن وراهــا
((حمايـة التالـي)) بـيـوم ٍ يفـوحـي= حــره ونيـرانـه تـوقـد لـظـاهـا
قبـيـلـةٍ كـسـابــةٍ لـلـمـدوحـي =وعذروبهـا دايــم تـعـز قصـراهـا
ذكـراً لأهلنـا باديـه مــا تـروحـي= مـن مقـدم الأجيـال لـلـي وراهــا
والحـرب فـات وراح جعلـه يروحـي= والله يعـز الــدار والـلـي حمـاهـا
وصـلاة ربـي عـد بـرق ٍ يلـوحـي= واعــداد ماهـلـت مقـاديـر مـاهـا

لـ ابن ساجي آل عيــد الغياثات ولاهنت يا ابو مطر على هذا الموضوع