خابرك تبيني وأنـا مثلـك أبيـك =من بعد ما دار الزمـان ولقيتـك
يا صاحبي ماعاد لي رغبة فيـك= أبيك تنساني مثـل مـا نسيتـك
وان كان ودك في مواصل محاكيك= اجـل بـلاش اللفلفـة لا بكيتـك
عشرة شروط كان تبغاني أجيك= حتى يعـود قلـب مغليـك بيتـك
أبيك ترضينـي وتتـرك تغليـك= وأبيك تعطيني مثل مـاعطيتـك
وأبيك تفرح بي ليا جيت ناصيـك =يعني تفز وتنتهـض لا نصيتـــــك
وأبيك تنسى كل من كان شاريـك= مادام أنا بدموع عينـي شريتـــك
وأبيك تعرف قدرك بقلب مغليـك =وأبيك قد الهقـوه اللـي هقيتــــك
وأبيك تتنـازل وتتـرك تحديـك =وأبيك خطـن لا كتبتـك قريتـــك
وأبيك تنسينـي دروب التهاليـك= يا دربي اللي تهت فيك ومشيتـك
هذي شروطي كان تبغاني اجيـك= هذا بعد يا صاحبـي كـان جيتـك