[معلومات العضو عازف شجن]

( أنا اشكري(ن) زايد(ن) دوسري )

حضر الشاعرأحد المنتديات العامه وطلب منه أحد كبار المجلس أن يتكلم لعل الصلح يتم باعتباره من اهل العلم أولا ومن امراء الدواسر وشيوخهم ثانيا فاستغرب احد الحضور كيف يتصدر وهو أصغر من في المجلس سنا؟! ولم يكن يعرفه بعد فقال / الشيخ حفيظ هذه القصيدة في ذلك المجلس ...

أبدأ بذكر الله وأطيعه واشتري=رضاه واكفر بالشياطين الطغاه
حمد(ن) لك اللهم والشكر الثري=للواحد الديان معطي من دعاه
أنا اشكري(ن) زايد(ن) دوسري=جداني آل حفيظ عالين الجباه
جدي محمد بن فرج ليث الشري=ولسند بن فرج أنتسب من ذا وذاه
خيال ربدا والدهم تجري جري=هذا يدربها وذا يرهب عداه
أسمي حفيظ بن عجب من مفخري=بفخر بجداني مطوعة العصاه
من نسل حر(ن) صارمي(ن) نادري=عجب ولد فيصل ملبي من نخاه
ما احد(ن) نسى ضرب المزين بالصري=جدي عجب طقه وغيره ما رماه
راعى البويضا وافتخر بأني اشكري=ربعي عذاب الخيل لا ثار الغزاه
فرحان شيخ القوم والراي المري=ما احد(ن) نسى مجده ولا احد(ن) قد عصاه
راعى أم قعصوم المسمى والجري=فكاكها لا ضاعت اعقول الدهاه
وعبدالله الشيخ الشجاع المفتري=عذاب خيل القوم لا طري نباه
ومخباط سند(ن) يوم كل(ن) به دري=ذبح ثلاث من الأصايل منتقاه
ومحمد الدحام ركاب العري=ومسفر ولد سند المفادي في صباه
حنا هل الست وهل المجد الثري=لابة فخر والفخر فينا منتهاه
آلاد شكر أهل الحمية والقري=ذباحة العايل وسمه مع عماه
كم شيخ قوم(ن) وسدوه منثري=وآخر رجع مكسور مدهو(ن) ثواه
هم لابتي واقولها وأنا جري =من له مثل ربعي يطوح بالعباه
سلام يا اهل العز والعلم الطري=يا اهل الكرم والجود في كل اتجاه
سلام يا اهل الخيل والسيف الضري=لا سل من غمده يقطع من بغاه
شكر شكر والمجد من كسب اشكري=ترفع لنا البيضا على رووس النباه

شعر / حفيظ بن عجب آل حفيظ الشكره الدوسري