تدري وش اصدق حب يطلع من الجوف
حب الفقير اللـي عشـق لـه فقيـرة
ملهـوف ويمـزق ثيابـه لملـهـوف
لانـال مطلـوبـه ولابــه ستـيـره
لايقبـل العجفـا ولايامـن الـخـوف
عليـه هـمـه حلقـتـن مستـديـره
أحوه ياحالـن مـن الغبـن منحـوف
ماشال غبنـن فيـه مخلـوق غيـره
النـاس فالافـراح ببشـوت وسيـوف
وأحبابهـم يلفـون مـن كـل ديـره
كلن يجر أمـن الغطاريـف غطـروف
وأنا علـى صفـح المريقـب خفيـره
كني مع العربـان لاأسمـع ولاأشـوف
تقـول مالـي فالجـزيـره عشـيـره
نصغر بعين النـاس ونمـر ونطـوف
هـذي علينـا يابـن عمـي كبـيـره
ياسلام
لاهنت يابومطر على تعريفنا بالشاعر الجزل مشيع الغييثات
تقبل تحياتي