[معلومات العضو محمد الغريري]

المشاركة الأصلية كتبت بواسطة ابن بطحيه الودعاني

هذه الابيات قلتها في أخي العزيز

الشاعر المعروف دغش البطي

وابو محمد مهما قلت فيه فلن أوفيه حقه جعله المعزه

والله العظيم إن ماعلى مثلكم زود=ياذا الحكيم وحكمتك بعد الأرماس
ذكرت بي ثنتين والمدح محمود=وباقي الخصال الفاضله فيك نبراس
مثل السحاب اللي ليا هبَه النود=قام يتسابق بالعطايا على الناس
دغش دغش وإليا إعتزا فيه مضهود=يروي إشنونٍ قبل فزعته يباس
يشهد له الله والعرب كلها شهود=ذكره وصلني قبل أعرفه من الناس
من راس غياث المظفر لي زنود=ذخري بني عمي لها المجد نوماس
والجد زايد والسلاله له تعود=اللأبة اللي مجدها فوق الأفراس
ياشاعرٍ عندك على الشعر نمرود=مايفحمك بالشعر تفكيك الأقواس

تحياتي للجميع ،،،

الشاعر : ابن بطحية الودعاني


صح الله لسانك واعتلا شانك على القصيدة الجزلة

واللي ما تجي الا من شاعر جزلٍ مثلك كفيت ووفيت جعلك ذخر ..

وعز الله ان دغش بن بطي الغياثات

يستاهل يستااااااهل يستااااااااااااااهل

رجل فعوله طيبه وغانمه ورجال خوته تنشرى

وانا احمد الله ان المنتدى هذا عرفني على رجل

مثل دغش البطي دون قصور في باقي الاعضاء فكل فيه حقه


وبيض الله وجهك يابن بطحيه


وتقبل خالص الود والتقدير ,,,


اخوك في الله

محمد الغريري