قصيده /جهز بن شجاع المسعري الدوسري ...
قالها يوم حفل الشيخ عبدالله الفصام الدوسري تكريما لقبيلة البقووم
ارحبو ياطيور شلوى قبل قول السـلام=ارحبو ترحيبـة مزحهـا مـن جدهـا
مرحباً حياكـم الله عـدد وبـل الغمـام=من هجوسٍ ساقها الشوق لقصا حدهـا
في محل ن لي بوسطة ميانة واحترام=من كرم راعيه كفـي كريـم ٍ مدهـا
في محل ن لبو فهـاد خيـال الجهـام=اتشـرف بالتراحيـب يـوم اعدهـا
والرجال الهام مواقف وكلٍ لـه مقـام=وقفتي تمثيل ربعـي وراسـي قدهـا
شاعرٍ موهوب وازها المواقيف الجسام=وحتـدم للقـوم والنايبـات اسـدهـا
ون بغيت الشعر بارد مواريـد الحيـام=في بحورٍ عارفٍ جزرهـا مـن مدهـا
والشعر مثل الفشق والفشق ملى الحـزام=والمشاعـر مـن ولهـا تبيـح بسدهـا
والقريحة هاضت اليوم بالمعنـى شمـام=وقالـت الضيفـان ياعشهـا ياغـدهـا
ليلة تجمع هل العـرف مافيهـا ضـلام=بالفرح نـور سماهـا وشعشـع خدهـا
مرحبا ترحيبة اكـرام بالنـاس الكـرام=عـد ماهبـت هبـوب وذعـذع ندهـا
مرحبا يا اهل الفعايـل رفيعيـن المقـام=يا بقوم مـن علـى الماضيـات نودهـا
ياحرار كسبـت العـز لنفسهـا مـرام=يوم لنفـس كـل نفـس علـى ماودهـا
يابقـوم قبـل هـذا حـلال وذا حـرام=كل ماعـدت زحـول الرجـال نعدهـا
نفتخر فيكـم وحنـا لكـم درع وحـزام=يـوم دورات الليالـي وقسـوه شـدهـا
بيننا خـوة ورفقـة وعهـد مـا يظـام=خوة اللي لا بركت بـه خويـه ردهـا
كلبونا مـن خنـاذف ولا فيهـا كـلام=جمـع ورده خزاهـا علـى مرتـدهـا
انتفرق في الرخا ونتجمع فـي الزحـام=ون وقفنـا للمصايـب لعـنـا جـدهـا
نقلب الدنـا بساعـة ليـا ثـار العسـام=لعتلينـا كـل قـب ٍ نينومـس هـدهـا
مثل ما قمنا على الترك في يوم الصيـام=يوم نودي في الخناذف وزعـزع جدهـا
لين قيل الطق في جثـه الميـت حـرام=وبينت بيض المواقيـف مـن مسودهـا
ذي فعايلنا وصولاتنـا فـي كـل عـام=قبل لا شبـه الجزيـرة يرسـم حدهـا
وبعد ما جاها معزي وطوقهـا السـلام=كلبونـا جنـد دولـة وضـد لضدهـا
نرحم الايتام ونـدق خشـمٍ بـه عـرام=والعيـون لعليـات النـجـوم نلـدهـا
شعب واحد مانحـب الخيانـه والمـلام=مثل يمنا مـا خطرهـا بيلمـس خدهـا
غرب ولا شـرق ولا يميـن ولا بشـام=طاعـة ال سعـود لابـدهـا لابـدهـا
لهم يزيد الولا ما ينقـص كيلـو جـرام=تشهد افـراد المناطـق وروس اعمدهـا
تحت رايتهم ونمشـي بقانـون النظـام=والمطيـة راسهـا مـا يعـض بدهـا
في الرخا نمشي وكلن على ماهـو يـرام=والروابـع والمزاجـات مـا نحتـدهـا
مير لا كبرت وجا في بعض الاريا عسام=شدهـا الا خلهـا ..خلـهـا الاشـدهـا
راي ابو متعب كما السيف بتار العظـام=قمـه صعـب العبايـب تعجـز تهدهـا
حاكم ثبت شـداده علـى ظهـر السنـام=واحتمى صعب المشاكل وحـل اعقدهـا
وحن كما صف المصلين والقايد الامـام=و ي ركعه يبـو متعـب تبيهـا بدهـا
والله إنا معك من الامـام اليـا الامـام=سربة تقضى على الجمع لا جـا ندهـا
وان طلع فينا منافـق وخـوان ن خمـام=صف اهل الاسلام مـا مثلـه مرتدهـا
نجزره فـي السـوق ولا لعلـه لرحـام=مثل جـزر الشـاه لا وسدوهـا يدهـا
والختام اقـول يالله فـي مسـك الختـام=جعل نفسي من الخطايا سريـع صدهـا
يا صلاة الله على وجه مـن دل الانـام=للهدا من عقب ما هـوب ضايـع كدهـا