سلطان المسعري
بسم ربي ابدا واتعـوذ مـن ابليـس=واسلـم سـلام الشعـر لمتابعيـنـه
هواجيس صدري لجل خاطر هواجيس=تجيـب الثمينـة طامعـة فالثميـنـة
مرزوق المقاطي
هلا مرحبا باهل الفخر والنواميـس=وسلطان تو الليـل بينـي وبينـه
ياسلطان وش سويت خلف الكواليس=الافضل تزور دبـي ولا المدينـه
سطان المسعري
يدوم البقا واخذ القلم والقراطيـس=مادام الحموله فوق ظهر السفينـه
مادام انك مثلي خل عنك الواسيس=ترا علمنا كل العـرب خابرينـه
مرزوق المقاطي
ترا الغرب فيه مواصفات ومقاييس=وانا ماعرفت ارطن مع اهل الرطينه
لا حطو على وجه الحقيقه طلاميس=خطرها على راع العضود المتينـه
سلطان المسعري
تشوف الذهب والماس في عرش بلقيس=ولا هو نصيب اللـي توامـا يدينـه
يازين العذر ياهل اليديـن المفاليـس=تبـون الحقيقـه والحقيقـه غبيـنـه
مرزوق المقاطي
لنا في عروش اهل الزعامـه مجاليـس=رهنّـا المراجـل فـي يدينـا رهينـه
وهل الساحل الشرقي مشو فوق الاتوبيس=وجـا حادثـن خـلاه كلـه عجيـنـه
سلطان المسعري
كفو ياجماعتنا هل السيف والكيس=عليكم من الرحمن لطف وسكينه
عسى الله يفرج حبسكم يامحابيس=وتنسون صكات الليال الحزينـه