مساء الخير
للتواصل مع قلوبكم الطيبه
يسرني ان اصافحكم بهاذي الكلمات والتي لا تخلو من النقص والتقصير والأخطا الأملاءيه
اتمنى لها اقل الرضى والقبول
الله الله
انا حجازي جيت نجد العذيه=اسوق ركبي مع خيار الجمالي
مامعي غير وصاة ابي لو بليه=قال انتبه خلك عزيزاً وعالي
واصاني وماني بغر الوصيه= من بعد عودني الكسب المعالي
ابتغزل فى الحبيبه شويه=اللي غلاها مايفارق خيالي
عشقتها عشقت هل الشاذليه=عشق العرب لا مبهرات الدلالي
ونسيانها لا شك صعبٍ عليه =لوانها سارة ماهي من حلالي
مخطت وانا ماسار مني خطيه =لا كن ما عن كتبت الله محالي
راحت بصوب ورحت عنها نحيه= والكل منا يقول ياراس مالي
وقسم قسم بالله رب البريه=من يوم ما فارقتها شان حالي
واصبحت من حبي لذيك البنيه =مخلوق لا كني من العقل خالي
لابارك الله فى المحبه شقيه =يالله لا تشقي بها قلب غالي
واللي مشقاه الهواء واهنيه=ماذاق من دنياه حراً وصالي
قبل امس مريت الطبيب اضحويه=قلت اشتكيلك يالطبيب المثالي
انا مريظٍ معي عله قويه=شخص لي العله وش الأحتمالي
انا الطعام معاد اجد له شهيه=وافتر على الطبيب وصحالي
قال انت مصابٍ بعله خفيه=تشخيصها يابيه خارج مجالي
علتك عله خافيه باطنيه=ماعنده الا انه يتمنى الشفالي
قلت انت لاخبره ولامعرفيه=ترايه ادرى منك في ماجرالي
انا بلايه علتٍ ظاهريه =اوظح من عيوني لشوفت ظلالي
(دكتور انا بلا ي حب أجوديه)= عن حبها عييت اعين محالي
حبيبتي ملها شبيه وحليه=بنيت عليها سياسات امالي
وراحت ورحت انا بسببها ضحيه=حسبي على حضي وسود الليالي
ياليت من يهدي عليه هديه=شيهانةٍ واتكون شيخة جمالي
اظني اشفاء من مرض لوليه=اهم شي تعطف وترئف بحالي
ماهمني من حضر والا بداويه=اهم شي تكون كلها رضى لي
اهم شي تكون بنتٍ تقيه =وبقربها اسلا عمري اللي بقالي
ابغي غظيه من خبر لي غظيه =بقهر بها ذيب الخلى اللي عوالي
الناس كانو يجزلون العطيه =ولا زالو اهل الخير في مابدالي
وانا ولد عوداً براسه حميه =من روس قومٍ فى القا ماتبالي
ماني بحيا الله .. لحيه رديه =لعل ما.. للحى الرديين تالي
ولاني بامجهول اسم ولا هويه =ربعي تعلو شامخات الجبالي
ربعي سليم اهل القلوب النقيه =واللي جهلهم مايعرف الرجالي
اشوم عن فعل الردي والزريه=من طيب ابوي وطيب عمي وخالي
وصلاة رب الكون على نبيه =عداد ماهلت مزون الخيالي
وسلامتكم