اقتباس:
وش ينفـع الرّجـال شكلـه ولونـه
لا صار ما يفتك فـي حـزّة الضيـق
(عنتر) سـواده فـارقٍ فـي سنونـه
والفعل شـوّق زاهيـات العشاريـق
يا بنت شومي واقصري الشبح دونـه
للريـم هقـواتٍ تـبـذّ التفافـيـق
شومي لشيـخٍ مـا تزعـزع ركونـه
لو زعزعت رضوى وابانات وطويـق
فـي ذمتـي مـا تطعميـن المهونـة
مثله فـلا يمكـن يخـون المواثيـق
تعـوّدت شــلّ الثقيـلـة متـونـه
ورثٍ من اقصى جـدّ ماهـو بتلفيـق
وان كان عـن دارك تعـدّت مزونـه
فالجوهرة تبقـى بجـوف الصناديـق
ولاّ ترمّالـك علـى كـرت شـونـه
اخير لك من شوف بعض العشاشيـق
|
الشاعر الجهبذ ابوراجس(تابط خيرا)
صح الله لسانك حتى ترضى وبيض الله وجهك ورحم الله والديك كفيت ووفيت