ياسلام الله سلامن فيه سلم وبه حرابه=به حرابه للاعادي فيه سلمن للعوانـي
خيروا مسعود يالعقال في لبسة ثيابـه=قبل يبلش بالمداوي قبل يخسر للرهاني
مرحبـاً ترحيبـةٍ فيهـا مشاريـه وحبابـه=الحبابه سلمنا والشرهـه بـراس السنانـي
ان مشيتوا بالذرابه طبعنـا طيـب وذرابـه=وأن سدحتوها وطينا الروس من تحت الأذاني
الحبابه للحبيب اللـي سواتـك مانهابـه=لو حبكت ابيوتك المعنى على شاره لساني
انفلت وصرت حاكم يوم ماعنـدك رقابـه=وان تولجتك نسيت العشر تحسبها ثماني
الحبابه سلمنـا فـي دارنـا كـلٍ درابـه=نلطم الشره الشرير ونكرم طوال اليمانـي
كان اصدق من يقولون العشى حيث تهقابه=لين شفت سهيل يطلع عقبه سهيل اليماني
سلمكم ياصاحبي معروف بعلوم الذرابـه=مالحقني شك والمعـروف شياًماخفانـي
اشهد انك صدتها بين الرويضه واللهابه=مير لك كره ولي كره وانا فوق الحصاني
يوم جت منك علـى العنـوان مافيهـا غرابـه=تومـي لعساسهـا ياصاحبـي فـوق البيـانـي
ياكبيـر القـوم خلـك ناقـلٍ كــل الحـزابـه=وا عرض بسيفك على سرج الحصان المطوعاني
يرحم الله المليك اللي رفع قيمـه ركابـه=عقب ماكانت تساق براس حد الصيرماني
يابن صخبور انتبه مالك معي حق وطلابه=مالك الاراس رمحن في حجا ولاطمانـي
يوم طالت طررقت الطرقي وفتشنا جرابـه=مالقينا الا الجراد الي صريره لـه غوانـي
مادريت ان النمل يسعى مطيره في ذهابـه=لين شفته شوف عين يموت يالله المستعاني
لو تفتش راعي الطرقه لقيتوا في زهابه=خنجرتكسر صليب العظم صانعها يماني
لاتحرك وانت يامسعود من فوقك سحابه=لعبه الشطار ماتقـدر لهـا يالقلبانـي
مالقيت الي الى جنبه شـر يطـق بابـه=كون من يبحث لها بيديه من قاصي وداني
ياخو بدوه صاحبك ماخذ من السرحان نابه=لو يمررك لايغررك مظربه بين المحانـي
كان طال الدرب يامسعود صرت ألنا نهابـه=وصرت قدام العرب خصمك ولالك خصم ثاني
انت ذيب مير عذروبـك سريـع الانقلابـه=ماتهش ولاتنـش الا ليـا شفـت السمانـي
كان طال الدرب كم غمرٍ قصرنا في شبابه=البطل له سيفٍ ارخم والخبل له خيزراني
لا وقفنا للخصم من همنا ضاقـة ثيابـه=ترتخي يمناه لا هزتـه وتنهـل العيانـي
قبل مده كنت اعلمـك القرايـه والكتابـه=وان نويتك ياصلك رمحي بجزء من الثواني
لاسريت الليل يامسعود غيـرك ماسرابـه=سالفتكم عندنا لـو طـال ايـام وزمانـي
صاحبي سيفٍ شطيرٍ سلته كنهـا جرابـه=لا يصد المعتدين ولا تساق به السوانـي
خل مسراي وتعيّن لك مع الجمهور لابـه=ابنو صغار الصنادق واحلموا بأهل المباني