قصيدة قالها الشاعر سالم بن سحيم الضباعين مسندها على خويه/ محمد ابن فرحان ابو فاس الجماعين :-
بديت راس الرجم أبي فيه الاوناس = واثر الونس في الرجم ماكتب ليّه
جلست في عاليه طاري وهوجاس = وذكرني بميلات وقتي عليّه
جدد علي اللي مع الوقت درّاس = والحق على جرح الضماير بكية
حوّلت من عاليه عمسٍ ومحتاس = لولا مذبه ياعرب ما عليّه
نفسي علي تلوم واقول لا باس = الوقت ماحدن به لحق مشهوية
لو إن كلاً خوته مثل ابوفاس = كان الخوي مامل جمعا خويّه
قرم ولد قرم وبالفعل قرناس = واليا درع بالصيد نثّر دميّه
متسلسل من راس عود على ساس = فرحان جعله فالجنان العذية
فياراكب اللي مركبه فيه نوماس = خذناه كد ذراع ماهو عطيه
فكسار فل أبشن كثير من الناس = يبغاه لكن ماقدر مشرويّه
عجه مع البيداء يزبّر له أقواس = وتقول شعفٍ في توال عشويه
نبي عليه نسوج وندوج الاوناس = في مهمهٍ ماجاه حتى المطيه
في مهمهٍ للصيد يذكر به أرماس = وذي منوتي مادامت الروح حيه