السلام عليكم اطرح عليكم اليوم نصيحة عبارة عن قصيدة للامير سعود بن بندر (رحمة الله ) وجهها للدواسر واعتقد في رأيي المتواضع انهم لم يعملوا بها واتمنى ممن يقرأها ان يعطينا رأيه فيها يقول الامير سعود بن بندر رحمه الله :-
يالله نحولها مزارع وتعميـــــــــــر # تغانمو فرصة زمان عطاكم
ترىالليالي ياخوالي مدابيــــــــر # ما هيب تاقف لين يكمل رضاكم
منها خذوا بأقبالها كل تطويـــــــر # ينهض وطنكم قبل عضه لحاكم
في وضعنا الحاضر غدى وضعنا غير #الا مقاصد خطه اللي ولاكم
ترى الفهد يسهر ويحتس ويغيـر # حتى لدمعه جاهل من نماكم
ما تقدرون لرد ما يمكن يصيـــــر # وبتحرمون نفوسكم شرب ماكم
في ماضي الازمان جند وطوابير # واليوم في وقت البنا وش بناكم
الآ زايد جيتكم قصدي الخيـــــــر # والنيه البيضا سبيلي معاكم
تكفون يا صلب الرجال المناعيـــر # لا تخذلون اللي لنفع دعاكم
إما اجمعوا الكلمه بوزن وتقديـــر # وانسوا سراب الوهم ولا تراكم
والا تراكم بالعنت دون تبصيـــــر #انتم سبب داكم بلاكم رداكم
نصيتكم رغم العذل والمحاذيــــر # متعشم خدمه وطن من صخاكم
أرجى لنفسي خير والنفع للغيـر # ومن غيركم له زود منا سواكم
وكاد لولا اللوح ما حول الطيــــــر # ولولا الدوافع ما كتب لي لقاكم
أظن قولي ما يبي زود تفسيــــر # والله يسدد بالهدايه خطاكم
اتمنــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ى من كافه الاخوة الذين سيقراون هذه القصيدة اعطانا رايهم ليس في ابداع الشاعر رحمه الله فقط ولكن هل الدواسر عملوابالنصيحة او لا.