هذه القصيده اهداء مني لمقام الامير الوالد مران بن متعب بن قويد حفظه الله
الطيب والفزعه لهـا الشيـخ (مـران)=نسل الشيـوخ اللـي عريب(ن)نسبهـا
شيوخ الدواسر مـن قديمـات الازمـان=امارة(ن)تصعـب علـى مـن طلبـهـا
مـران ابوزابـن الا عـدو الشيـخـان=كبيـر الدواسـر والمراجـل كسبـهـا
والريشه اللـي فـي مجالـس كحيـلان=جت بعد حرب(ن)روس الاعداء حطبهـا
ماخوذة(ن)مابين عنـوز(ن) ومطـران=يـوم ان (شـارع) شلهـا واحتزبـهـا
غصب(ن)على (الشعلان) وخذت بالايمان=بوجه (الدويش) اللـي جيوشـه جلبهـا
ويوم الرضيمه بانـت فعـول (سلطـان)=حكـم (ال عريعر)طـاح وحنـا سببهـا
في فزعة(ن)نادوا بها شيوخ (عجمـان)=بـيـن القبـايـل ماتـعـذر طلبـهـا
فزعة دواسـر كنهـا السيـل عميـان=تشهـد بهـا خـدان نجـد وعربـهـا
والنعم يا (ال قويـد) خطـلان الايمـان=وقفاتكـم كــل الـعـرب تحتسبـهـا
سلام يابـن قويـد مـن قلـب ولسـان=من شاعـر ابحـور القوافـي شربهـا
مدحك شـرف للقـاف ياطيـر حـوران=قصيدة(ن)يفخـر بهـا مــن كتبـهـا