[معلومات العضو الزين]

الحضاره غيرت في العوايد والسلـوم=مر تيار الحضـاره ورحنـا نتبعـه
وعزتيلي من ضعيف الروابع والعزوم=ومن ظروف ٍ اجبرتني اصدق واسمعه
اعتزالـي واتكلـي ولا سـد اللـزوم=مادبل كبدي يكـون التمـدح فالسعـه
اعترضها فالسعه والنتيجه صاد لـوم=وصار مثل اللي فقع نون عينه بصبعه
ياجماعه يلزم اللي هبد صدره يقـوم=الكفوا لاما اعتزا فـي لـزومٍ سنعـه
يصمل الرجال لابارك الله في الرخوم=وان نخاه اللي يبي منه نفعـه ينفعـه
العمر يمشي ويطوي ويوم بعـد يـوم=وان قضا ماينفع الشخص جهد ٍ يجمعه
الجمايل دايمه 0والمناصـب ماتـدوم=والكفو لو يندفن مااندفن ذكـره معـه
وان نصيت الطيّب اللي له العليا تروم=وجهه وجاهه وحالـه ومالـه يدفعـه
لازهمته قال حاضر تريح ومخـدوم=والردي حتى ولو قالها صـد ودعـه
الردي ماقسمه الا من اهزال القسـوم=غير قالوا كان ماطاعك السوق فطعه
وواحدٍ يقدر ويجفا مطاليـب القـروم=ياعسى شكله من الارض ربي يقطعه
والجمايل دايمه 0والمناصب ماتـدوم=والكفو لو يندفن مااندفن ذكـره معـه

للشاعر ..عبالرحمن الشهراني