ياكليب شب النار ياكليب شبـــه =عليك شبه والحطب لك يـجابي
وعلي أنا ياكليب هيله وحبــــه =وعليك تقليط الدلال العذابــي
ادغث لها يا كليب من سمر جـبه =وشبه إلى منه غفا كل هابــي
باغ ٍ إلى شبيتها بالمشبــــــه =تجذب لنا ربع سـراة ٍ غيابي
بنسرية ياكليب صلف مهبــــه =متكتفين وســوقهم بالعقابــي
سراة ليل وناطحين مهبـــــه =لا نسنسـت يا كن به سـم دابي
خطو الولد لو به زبون وجبــه =يأتي عليهم من حسـاب الزهابي
لا باطن الهلباج خطو الجلبـــه =ياحلو خبط اعصــيهم بالركابي
اطمر لهم وابدي سلام المحبــه =لاجو على هجن يديـهم خرابـي
مع كبش مصلاخ لك الله نـجبه =لادبر الهين متين العلابـــــي
والوالمه ياكليب عــجل بصبه =والرزق عند اللي ينش السحابي