[معلومات العضو ابن شمسان البدراني]

السلام عليكم ورحمة الله وبركاته

مساكم الله بالخير جميع



هذي قصيدة تتكلم عن العوانس .. والعوانس كما هو معروف هم البنات اللي وصلوا إلى سن معينه ولم يكتب لهم الزواج لكن ما أدري كم العمر اللي يقال فيه للبنت عانس خصوصا في ذا الوقت اللي البنت تبي تخلص دراستها والولد بيخلص دراسته ومن هالخرابيط !!



نرجع للقصيدة .. القصيدة من معانيها تدل على أنه بنت تقدم لها شاب ورفضته فقالوا لها : لو ما تزوجتيه بيقولون عنك الناس عانس ومن ذا الكلام .. فقيلت هذي القصيدة .. وفيها عزاء للبنات اللي وصلوا لهذا الأمر ..



وبالنسبة للشاعر أنا جبت لكم القصيدة من أحد الأشرطة ولا أدري هو شاعر قايلها على لسان حال ذا البنت أو شاعرة اللي قايلتها ..

تقول القصيدة :

أضحك وأنا أسمع سيرتي بالمجالس=وأعرف عيون الناس ما ترحم الحال
حالي مثل منهو على الباب حارس=يحفظ كنوز(ن) ما تقدر بالأموال
صعبة يجي إنسان ما هوب فارس=وياخذ بنيّة ينضرب فيها الأمثال
ولا يجي طايش وجاهل مدارس=أكبر طموحه خط بيجر وجوال
صدره من أمراض الدخاخين تارس=زود(ن) على التنباك منحط الآمال
النفس في خشمه ودايم يعاكس=يقول أنا لي شارب(ن) وألبس عقال
خبرني كيف أحيا مع إنسان لاقس=وشلون أجاري لعبة إنسان دجال

إيه أفتخر لا قالوا الناس عانس ........... ما دام من يطلبن ما هوب رجال

تحياتي ،،،