نطول بفعول الوداعين ونقول =الطير لولا صفة الريش ما طار
انجاهم اللي يشقح الحد مخذول=حميةٍ عجلة وميقافهـم حـار
نعم نطول ونقول بفعل بني عمنا الوداعين وهم ومن اشهر قبائل الدواسر
هذي قصيده في الوداعين اهل الثمان السوالف ومديتن جارها من جدارها
قصيده لفضيلة الشيخ الشاعر: محسن بن فالح الشكرة
من بعد ما جاني من الحفل مرسـول=ما عادلي عن ما قف العـز معـذار
لبيت دعوتهم ولـو كنـت مشغـول=وبديتكم يا أهل المواقـف والأذكـار
يا للي لكم من ماضي الوقت مفعـول=يظخلـه بعروقـنـا كــل تـيـار
تيـار فخـر يـودع الزنـد مفتـول=ويشبله من بخـوة الدوسـري نـار
نـار مشاهبهـا بطـولات وفعـول=لله در للـي دفـع ديــة الـجـار
شيمه عرب ما سجلت با اسم مجهول=والجار سبة موتتـه طيحـة جـدار
لامات ظميـان ولا هـوب مقتـول=يومه وقف والموت قصاف الأعمـار
موت طبيعي ما أحدن عنـه مسئـول=وحقه علـى الجيـران قبـرٍ قبـار
لاكـن جيرانـه وداعيـن وزحـول=لا قيست اشبار العرب زادو أشبـار
صارت عليهم ثقل طابه وابـا لهـول=وقامو مقام قبلهـم مـا بعـد صـار
ميزت شرف من دونها الباب مقفـول=وصكٍ عليه مـن الوداعيـن حظـار
وشهود وحدود وتفاصيـل وفصـول=وسلوم وقـرومٍ يدرسـون الاخطـار
طولٍ على عرض وعرضٍ علي طول=ومن لا درى ينشد وتأتيـه الاخبـار
نطـول بفعـول الوداعيـن ونقـول= الطير لولا صفة الريـش مـا طـار
انجاهم اللي يشقـح الحـد مخـذول=حميـةٍ عجلـة وميقافـهـم حــار
وانجاهم اللي من عنى الدين معقـول=فكوه لو دينه كبـر ضلـع سنجـار
والله يجمـل حالكـم وابـن هذلـول =له سمعتن نفخـر بهـا سروأجهـار
وصلاة ربي عـد مـا هـل هملـول=على الشفيع بيوم زوغـات الأبصـار
منقول من اخوي ابو سالم الشكره