غنيت حبك ياوطن ’’’ ولثمت بحروفي سماك
وعشتك أكثر من زمن’’’ وسقيت من عرقي ثراك
انت الابو وانت الولد ’’’ وانت التغرب والبلد
وانت الشدايد و الرخا ’’’ اموت وتاريخك خلد
نبعك شرابي في الحياه’’’ يانشوة العز وهواه
لاجلك لو كفوفي تذوب ’’’ وامشي على جمر الغضاه
أصل العرب وسنانها ’’’ يامزرعة فرسانها
لك منزل بين العرب ’’’ بالراس انت عنانها
يامنبع الدين العظيم ’’’ ياحاضن طه الكريم
ماأشرفك بالحرمين ’’’ ياوش بعد هذا نعيم
غنيت حبك ياوطن