اقتباس:
المشاركة الأصلية كتبت بواسطة ماجد بن رويه
اخواني الاعزاء من شعراء اساتذه ومتذوقين وضيوف
في منتدى قبيلة الدواسر الرسمي
السلام عليكم ورحمة الله وبركاته
الابيات التي بين ايديكم 00ليست موجهه لشخص بعينه
وانما هي مجرد فكره لا اقل ولا اكثر00
ياللي تعفس القصايد وانت ماتدري=في ذمتي ماتعرف الشعر من غادي
من دبرتك والسوالف جوّها كدري=مرتز ماكنك الاّ حارس النادي
مسكين ماتفرق الموال والحدري=قافك عقيم وثقافة شعرك اعدادي
حالتك حاله وطرفك دايمٍ خدري=مدري تسك المُدام وطبعك احيادي؟
شي ٍ طبيعي تغيب وتحترق بدري=لنّك صغير وبداية قصتك عادي
مكاني الصدر وانت هناك يالصدري؟؟=ماانته قبيلي ولاانته قرم وقيادي
لوماتعشق المطيه طاري الهدري=ماصحت لك ياولد كبك من اعنادي
عذب القوافي وطنها داخل بصدري=من دونها جيش سلم وجيش ٍامعادي
فرايدٍ ماتجي بالبوق والغدري=ولاّ من اللي نعرف ويبدي اسعادي
لومانحشم الكبير ونحفظ القدري=مادونتها المجله في ثر الرادي
حبيسة الدرج من عادي بعد سدري=ويوم استوى لي رسنها جيت متبادي
|
عذب القوافي وطنها داخل بصدري=من دونها جيش سلم وجيش ٍامعادي
صح لسانك ياماجد على ماخطت يمينك الكريمة
وأستميحك عذراً في أن أفردت البيت أعلاه ( لأنه في نظري بيت يحمل صورة شعرية جميلة )
دمت وبانتظار الأجمل
وتقبل أجمل المنى ،،،