[معلومات العضو ابوهديل]

هذه قصيدة شاعر قحطاني في المصارير والمناسبه منذ مايقارب الستة شهور من الان اي شهر 1من عام 1428حصل لاحد القحاطين حادث مروري وذلك في المنسف قبل مدخل حوطة بني تميم من شمال وكان يوم فيه عجاج وتدني في الرويهوقدر الله لهذا الرجل بان يدهس رجل من رجال الدفاع المدني ودوريات امن الطرق بالحوطه حيث كانو مشغولين بانقاذ احد الاشخاص المحتجزين باحد الشاحنات وحينما كانويتهيئون للانصراف فاجاتهم احد السيارات ودهستهم حيث استشهد اثنين من رجال الامن وكان من ضمن الشهداء محسن بن زامل بن الطنيه المصاريرحيث بادر اخوانه واقاربه على الفور بالتنازل عن القحطاني طلبا للثواب والاجر دون تدخلات او مطالبه مماكان له الاثر في نفس الشاعر القحطاني الذي قال

عن اذنك استاذنك واطلبك يامير= جاني تليفون من اعز غالي
من ربعي ولاعاد فيها معاذير= والموقف اكبرمن كلام يقالي
موقف كبير اللي توخر مبه خير=تفخر به الاطفال كيف الرجالي
وحنا على هاذي نسوق التباشي=ميقافنا حاضرمايبغى سوالي
وانتم هل الوقفات في اليوم الكبير= من رخصتك عسى سنينك طوالي
مرخوص أجل يامير تصبح على خير=ممساي دون الجله في جو خالي
وعند الصبح مافيه غطه وتصفير=عقارب الساعه تسابق خيالي
حتى نوردها على جمة البير= ونروي الرجال اللي تقادح اقبالي
انموح لين الورد ترجع مصادير=وحبالنا يوم الموارد طوالي
لوكان مانلحق جزاهم لو نطير= حمولهم تتعب ظهور الجمالي
لاوقفت بالحمل ماتقدر تسير=كنها على جرف هشاش هيالي
متعبين الجيش مركاضهم غير=يومن مركاض المهارج توالي
لاقلت ابي فارس يجونك طوابير=فريس من ادنى شاربين الدلالي
لاجاتك الحنوه على رقبت البعير=لا لك بها هقوه ولا لك حلالي
ارجع ودور غير ذود المصارير=من دونها ترخص ارقاب العيالي
على هواها راعيات النواوير=ما رددت من شفها بالمفالي
واليوم في وقت الرخا والدنانير=يرخص لها حاله وخشم الريالي
من شان لامن اقبلت تالي عصير=سوادها كنه قنوف الخيالي
تسوى عرش كسرى ومرتبة الجبير=ووكالة العيسى و وكالة جفالي
وحضارةالاندلس وسودة عسير=وابراج اهل دبي ومناظر صلالي
ويرخص لها اعياله من كبير لصغير=في اعيونه اكبر من ضلوع الجبالي
لا كنها ترخص لا جاو المسايير=لا عاد هي مكسب ولاراس مالي
ينحر ولدها مايحسب المخاسير=لكرامة الضيفان ما هو يبالي
لا صحت يالآد الحبيبي المناعير= جاتك افواج مالها اول وتالي
لو ساحلو على اليهود المفاجير= كان القدس ما عد فيه احتلالي

والقصيدة قيلت في مناسبه كبيرة اعدت لهذا الغرض في المليحات شمال غرب الحريق