بسم الله الرحمن الرحيم
الشاعر محسن ابن وتيد ال عمار الدوسري شاعر فحل لشعره نكهة خاصه لمقدرته على الوصف وحبك القصيده الجيده.... وله الكثير من القصائد المتميزه التي لم اجد احدا يزودني الا بهذه القصيده الفريده الموجهه للدواسر خاصه يقول فيها:
عفا الله عن عينا جفا النوم جفنها= تتالا سهرها والدموع صبيب
عند العشي عديت في راس مرقب=وعينت في راسه عقاب وذيب
يقولون دنياهم عليهم تغيرت=غدا الحر في دار الدجاج ربيب
شبعت حصانيها وجاعت ذيابها=وغدا البوم فارس والعقاب اديب
يونون مثلي مير ماني بمثلهم=انا ونتي منها الجماد يذيب
انا ونتي يدمي شرار حرارها=ومنها شياطين التراب هريب
وانا ونتي يابس بها لين الورق=وانا ونتي منها الرضيع ايشيب
لامن جفتك الدار دور بديلها=لابد للقلب العليل يطيب
لابد من هاف عراض توايره=يصبح من الممسا ماهوب قريب
ممشاه في يوما ثمانا الغيره=يطفح مع البيدا بزود خبيب
يمين نجم اسهيل ربعي وديرتي=دار السخا ودار الوفا والطيب
ديرة مصانيم الدروع ال زايد=جراتهم سم على الحريب
لامن وزاهم خايف من قبايل=يسلم ويرقى في قمم هضيب
وقصيرهم يامن وتوسم له العصى=محا الله من هو بالقصير ايعيب
سقى دارهم متفهق يسحب الجثم=حقوقا يفيض منه كل اشعيب
هذا وصلى الله على سيد البشر=اعداد ماتاطى التراب النيب
المرجع : ديوان واحة الشعر الشعبي (المجموعه السابعه) صفحة 79
اعداد وتأليف:عبدالله ابن حمير ال سابر الدوسري
محبكم في الله:سلطان ابن دخيل الله ابن محمد الشكره