[معلومات العضو بن مشخص المسعري]

بسم الله الرحمن الرحيم


اضع بين يديكم اخواني اعضاء المنتدى المتميز هذي المحاوره واللتي ارجو ان تنال اعجابكم خصوصا انها قصيدة لشاعر عزيز علي تربطني به صلة قرابه شديده رحمة الله عليه

اليكم المحاوره

بين الشاعر سعد بن هتيل المساعره الدوسري
والشاعر عبدالله ابن حماد القحطاني



قال ابن هتيل:

واهني كل الهناء من وطا هاك الديار=بدل الديره بدار يود ترابها
لز هاك الدار بالليل والا بالنهار=واصبحت طرشان نجد يشوف ركابها

قال ابن حماد:

يالله اني طالبك يامبرد كل نار= ياولي لعرش علام ما بكتابها
طالبك لنج جديد مع الغبه عمار=تو ماجا من امريكا وحن ركابها

قال ابن هتيل:

تو مازانت مشايلها والكيف دار=درج القالات ياللي فعلت اسببابها
حظ ابو من دار كيفه على شعل الصفار=في ظلال الهضبة اللي يحوم غرابها

قال ابن حماد:

دلتك صفرا بها البن هو والبهار= غر هذا زعفران(ن) يجي لحسابها
بنها برية خلص مافيها غيار=جاتلك من صوب صنعا معا جلابها

قال ابن هتيل:

ياولد ياليتني وانت في خمس جبار= خمس كل الخمس وقم السدايس نابها
كيفة الرجال خطوى النشاما والحرار=فوق هجن(ن) مثل خضر الجريد ارقابها

ابن حماد:

جيشكم خمس(ن)واهلها عليها والحذار=جنبو ديار الشيابين (1)صوب اصحابها
مثل ربد جلعت لدحو تالي النهار=وكدت زول عصير بروس هضابها

ابن هتيل:

جيشنا ما تنقل اللي يهيب السمار= كود منهو لابغا فرجة ماهابها
كاعليها الا المناعير والشرف القصار= كل راعي بندق ما يلف جرابها

ابن حماد:

لاكنيتوا علمكم ماخفانا ويش صار=ولو تمدحنو فحنا نعرف ذيابها
نفهم اللي يقضي النوب بالفعل القرار= لو يبي مخذة ركايب ربوعك جابها

ابن هتيل:

يالله اني لك من اللي يقول الزور جار=لابغا له حجة بالقدا ماصابها
انت يارجال تبغا لعلمك مستشار= لا تهقواها وتخطي علم مضرابها

----------------------------------------------------------------------------------







وهذي المحاوره بين الشاعر الكبير سعد بن هتيل
والشاعر الكبير صقر النصافي الرشيدي


قال النصافي:

واهني كل الهنا من عقب جوبة رماح= والنفود معقب همها وعروقها
فوق فرت يوم يدوي مع الخد السماح=خارم قفت والاشقر يريد لحوقها

ابن هتيل:

يالله انك لاتعوق الشفيق من المراح=فوق سبرات(ن)عجلها على طاروقها
المواتر منوة اللي يصوت بالفلاح=ارحلو من فوقها واجعوا من فوقها

النصافي:

روحتي ماهيب روحة بغيض يوم راح=حاجتي تقضي ونفسي تواجه شوقها
لا تلوم اللي عياله حدر حكم الصباح=ذاكر لي عيلة يهمل رموقها

ابن هتيل:

انت ياغوج تسابق عواصيف الرياح=السبايا لبسوها الحلي وعلوقها
انهض الرجلين لاجو معا الخد الفياح=وانتبه من زرقة سمها بذلوقها

النصافي:

واحسافه يوم جينا ولاصار امتراح=ماحصل حصن تصاقل ترز عنوقها
صار مامن لازم عليق وامبطاح=ماعرفنا سابقتها ولا مسبوقها

ابن هتيل:

ياحلي الكوكب اللي قراح ولا يماح= مرتهن كل الضوامي بري حلوقها
انت اظنك باغي لك مقال وانشراح=ورامق لك هرجة ماحصل لك لوقها

النصافي:

من بغا ضربة متوني يبي مني مداح=جثته ياويلها من وجع معلوقها
راكب درب الخطر ماشي له بالسلاح=سيرتنا ياسعد مامشت برفوقها

ابن هتيل:

وانتهيا ليلة ماحصل فيها مداح=والعرب تبي من البل غزايز نوقها
ويش عندي منك لاجيت بالوضحى الشقاح=والتوت بك والعرب مشتهين سوقها

النصافي:

من يجيني باغي البكرة الشقحا الشناح= مايروح الا هدومه تصب ذلوقها
كل طيب له عندنا مشاريب قراح= والرخوم اليا بلتنا نخيط شدوقها

ابن هتيل:

عاش من حشم رفيقه بدلات ومزاح=والبحور اميز غزرها ورقوقها
وعاش من رمحه على معادينه ذحاح=والرجال الطيبه قايم بحقوقها

النصافي:

كان ردت للملاعب وتركيب الشباح=الملاعب عارف وسعها من ظوقها
الحرار الها وجب بالدلال وبالمزاح= والحباري ما حمتها اجيال اخروقها

------------------------------------------------------------------



قال صاحب السمو الملكي الامير-فيصل بن تركي بن عبد العزيز ال سعود:

بنشدك يابن هتيل عن مفلا البعير= وش لون داره يوم سال شعيبها

فقال ابن هتيل:

يرعى نبات العشب لو دونه هصير=وكل الديار الطيبه ينويبها

فقال الامير فيصل:

مدري يصير العلم ولا مايصير=والله يمين الشرع ماعندي بها

فقال ابن هتيل:

حذفتني ياسيدي في جوف بير=وانا الهجينيات ما غني بها

-------------------------------------------------------------------------------------



هذه لمحاوره جرت بين ابن هتيل ومحمد الازوري في حفل اقامه الملك فيصل عندما كان اميرا للحجاز في الطائف لاحد الاشراف وكان محمد الازوري قد طلب من الملك فيصل ان ينزل ابن هتيل لمحاورته وقال كلاما بذيئا يريد ان يستثير ابن هتيل وقد رفض ابن هتيل الا ان الملك فيصل امره ان ينزل واعطاه عصا باكوره كانت في يد الملك فيصل فقال ابن هتيل اللهم اجعلها عصا موسى تاكل ما يافكون ونزل للمحاوره الازوري

قال الازوري:

الليله اخليك يبن هتيل في حال غبر=والله ان تلاقي ياسعد ولا تنير
ياليلك يبن هتيل ياليل القشر=باصلاك في نار لهبها له سعير

فرد ابن هتيل:

ياسلام الله عليكم ياهل المحتضر=ياحضرة الامام وياحضرة الامير
والله لا بقشر ولا احب القشر= مير ام سالم مالها عني مطير

فقال الملك فيصل رحمه الله:شاب القاف.