السلام عليكم ورحمة الله وبركاته
حي الدواسر في منتداهم الغالي .
في صيف العام الماضي 1427 هـ قام شاعرنا بزيارة إلى وادي الدواسر فالتقى بجموعة من أهالي النويعمة بالوادي ، وقد لقي منهم كل حفاوة وتكريم حيث احتار الضيف من يرضي منهم من كثرة التلزيم بالضيافة التي اشتهر بها أهل الوادي والدواسر عموماً .
ولقد ألحيت على الشاعر أن يعطيني نسخة من القصيدة لنشرها في هذا المنتدى المبارك .
يقول فيها
لقيت بالوادي رجال المواجيب = عيال زايد كاسبين الطويلة
يالله عسى من لامني فيهم يخيب = مايهتني بالنوم في كل ليله
مجالس دايم حفاوة وترحيب = قولة (هلا) ماهي عليهم ثقيلة
قدوعهم يشديك حلو المراطيب = ودلالهم بالهيل غص بسبيله
مذبحين الحيل شبابة الطيب = أهل المراجل والعلوم الجزيلة
لاجا الفجر لقيتهم بالمحاريب = يدعون رب مايخيب عميله
دين وخلق وسمت مابه عذاريب = وسوالف تحيي القلوب المحيلة
عسى الوسم لديارهم له مراكيب = مزن من القبلة تتابع مخيله
مدحي لهم مابه مذمة وتثريب = الحق حق وبالأمانه نشيله
وختامها صلوا على منقع الطيب = على النبي واللي سلك مع سبيله
وسلامتكم .
الشاعر عبيد بن عبدالعزيز الفيصل التميمي - تمـــير