ماكل من تحبه وده يلاقيك
ولاكل من يحبك ودك تشوفه
ولاظني بتسمع كل من هو يحاكيك
بعض العرب ماودك تسمع حروفه
من عاملك بالطيب لاشك يغليك
حق عليك تغليه وبيدك تحوفه
من كان دايم على نفسه يبديك
عامله بالطيب ولاتلحق حسوفه
أما الذي كلما بغيته يخليك
كلما سألته قام يملي ظروفه
نذر علي نفسي ماتهمه معانيك
ولاعزته نفسه في دموع النكوفه
كم واحد لله يحبك ويشريك
يذكرك بالخير وينسى معروفه
وكم واحد لاشافك يجيب طاريك
ولامنك اقفيت ارسل سيوفه
اقصر الرجل عنه لوكان يدعيك
خله لحاله واجد له طيوفه
عزي لمن مثلي دوم يناجيك
عزي لقلب ماشاف منك المروفه
ماترحم اللي يحبك وشاريك
وش ذنب قلب فيك ماأمن خوفه
كانك تبيني جنبك ودوم اناديك
مايضر الذيب الا طول قنوفه
وان كان همك بس اغني لك واسليك
فما أقبل الحقران' ونفسي عيوفه
شعر/ ريمان ابن خليفة