هذه أول مشاركه لي بالمنتدى وأنا من المغرمين بالشعر ولي كم محاوله
في هذا المجاال وحبيت اني اشارك بهذه القصيده وأرى تعليقاتكم عليها وردودكم ونقدكم
لي اللي يشرفني انه شعراء كبار يرون قصيدتي المتواضعه واللي فيها من الكسور
وعدم التوزان الكثير وأنا أوجه نداء الى شعراء المنتدى أو المتذوقين للشعر وجميع
الأعضاء المشاركه والتعليق على هذه القصيده من ناحية هل هي جيده عاديه
أقل من العاديه وأكون شاكره لكم لاني بصراحه اتمنى ان اعرف هل يقال عني شاعره
ام ؟؟؟ لا تفهم بالشعر هههههه وهذه القصيده في رثاء جدتي الغاليه وأنتم لها الحكم
تعبت من الهموم وجف دمعـــي
هلكت من الحزن وأنا بـأول أحزاني
آثاري الفراق بسهمه طعن قلبي
ما كنت أظن أفارق عزيز ولا غالي
وأنا اللي اسمع بطاري المــوت
قبل وكيف ما يرحم صغير ولا عاني
أشوف الناس تبكي وتحــزن إذا
قالو يا فلان اذكر الله عـــمرك الباقي
وما كنت أطن بيوم يبقى عمري
وأنا أشوف أغلى النـــاس بدنيتي فاني
وجلست أذكر صباح يوم قبل لا
الموت يجي أمي ويبعدها عن أعياني
أقصد بأمي جدتي اللي من غلاها
أناديها يمه وحبها يـــجري مع أنفاسي
ذاك الصباح اللي مثل غيره وقبله
من تصحى وهي على اسمــــي تنادي
وأنا أقول لبيه وأترك النوم لأجل
أروح ألبي نداها وأقوم اترك فـــراشي
وأجي لأمي وأنا أقول صباح الخير
هــــلا يمه وش بغيتي يا بـــعد حــالي
تقول هلا ببنيتي ابد وش تبي عجوز
مثلي إلا فطوري حتى أكــل عــلاجي
وأضحك عليها وأقول ابد يمه أنتي
شباب وأحلى من سندريـــــــلا وسالي
وتضحك بحياء وتقول خلي عنك
ها لكلام وقومي للفطور وهاتـي الشاهي
وأجيبه لها وتدعي لي من قلبها
ا لطيب الله يحفظك يا بنيتي يــــا حلالي
آه يا يمه تركتيني اصحي صباحي
وأجهز لك فطورك وأنا ابكي لـــحالي
يعزيني مصحفك يمه أقرا فيه وألمه
على صدري ودمعي على الخد جـاري
يشهد ربي اللي خلقني ما أنساك يمه
حتى في سجودي أذكرك فيه بدعـائي
و أبعمل على دربك ولا بنسى كلامك
وأبدعي الله بفقدك يصبر أمي وخالاتي
لأن أصعب شي بها الدنيا يجي ويقولك
واحد ترى مات قريب لك وغالــــــي
وبالنهاية أختم بذكر الله ورسوله محمد
أفضل الصلاة عليه وأتم السلامـــي
[IMG][/IMG]
وأرجو ان تناال اعجابكم وتقبلو تحياتي