اللـه يصلحـك طيـب بكـت لك قصـايد وأنا أبيـك تأتـي بـ قصائـد من طـرف مطيـر أنهـم أهزمـو العـوازم وأنا أقـول لك أن القصيـده التـي كتبتـها مـزوره .. وسوفـى أبـدي معـك
أولا : اليك القصيد الذى قيل فى حينها 0 ثانيا: الوثائق الرسمية التى تناولت الحدث مصورة0
قال : الأديب والمؤرخ
خالد الفرج (فى مناخ نقير) هذه القصيدة:
وان أنسى للتاريخ لا أنسى موقفا = لآل عطا فى صدقهم اذ تصلبوا
بداة وأخلاق الحضارة هذبت = حواشيهم فى فعلها فتهذبوا
هناك على الوفراء باتت جموعهم = وأشادوا بيوت الحرب فيها وطنبوا
وقد أرسلوا نحو الدويش بداره = فأغروه أن الجهل بالعقل يلعبوا
وساقوا ألوف المارقين أمامهم = وليس لهم غير العوازم مأربوا
فأرضاهم القوم الميامين فى( رضى)= بضربةمن للحق يرضى ويغضبوا
فولوا ولم يلووا فلا الابن منقذ = أباه ولا يلوى على ابنه الأبوا
لقد هاله فقد ابنه وهو ساعده = ومن معه خيرة القوم منكبوا
فادركه اليأس المميت فماله = سوى الضربة القصوى وهل ثم مضربوا
فققرر اتيان العوازم حاسبا = بأن اسمه عند العوازم مرعبوا
وما كاد يلقي فى النقاير جمهم = اذا هو من أيدى العوازم يعطبوا
ويكفيه أن الله أخزى عدوه = فذا لله اذ لم يكن قط يحسبوا
تنازل يبغي الصلح عن كبريائه = وأى دويش للعوازم يرهبوا
فى وقعة نقير الشاعر حليوان بن مديعج عندما قال:
قم اطلب الله يالشجاع ابن مانع= بطلبةٍ جعل الولى يستجيبها
قم شيد المثلوث فى راس قاره = وضو ٍ لطرشان الخلا تقتديبها
يا سربة ٍ جتنا تنازا بغلمه = و لها ديون ٍ عندنا تدعيبها
جونا يشادون الشمال بنوها = وحنا نشادي ليلتن ماسريبها
جونا كما سيل النحا يتبع النحا = وحنا هضابن جنب الماء وعيبها
يا مزنة ٍ جتنا شديد ٍ نوها = والمسعد اللى ما يحاظى لهيبها
جونا يشادون الجراد لينتشر = أرهوا على الدنيا ولا يرهيبها
يالله انك تعاونا على من نوانا = يامظهر الغواص من غبيبها
جانا الجنوبى والمطيرى ونوخوا= يا من عين ٍ واجهت حريبها
ياشيب عينى من سرايا علوه=علوه هل الردات لا خضر شعيبها
تنطحوا حوم الرصاص وحومرو =وبقعا على الدنيا يومي سبيببها
من ذل منكم يالنشاما يفتكر =ياجت ورا الأجناب يامن يجيبها
من شقت الانوار لرونق الضحى=فيها البنادق مايهون نحيبها
تباشرى بالفك ياحم الذرى=فى ساعة ٍ ما ينتداوى صويبها
ياكن جضع قومهم من قومنا=هصير طلح ٍ فى مثانى شعيبها
كله لعينا أنثا تلافت فينا =طوال غواربها و حلو ٍ حليبها
ماازين تهزعها بوادى الحيا=يا قامت الورقا تنادى صيبها
كله لعينا كل هرجة مجلس =هذا يوديها و هذا يجيبها
وكله لعينا كل دلة سنافى=حلو ٍ طعمها ما ينقع سريبها
و كله لعينا كل بنت ٍ عانس =بيض العواتق مالهجها صيبها
ريف ٍ على الجيران بالطيب والسخا=ولا نهضت حجانها لصحيبها
و نعم ٍ بولد القويعى غلمه=نطاح اللقوات ياما بليبها
ولد غياض مثل تارس الهوى =يادرعنا الضافى على مايصيبها
والكثر ماسر الجراد ليا انتشر=أرهم على الدنيا ولا يرهيبا
وراحت مجاريهم مع السيف وأشملت =ناس ٍ نوت فينا بنو ٍنويبها
شاعر الحرب : سعود الصقلاوي
راكب اللي تقطع الدو في زين الخبيب = مثل ربدا تنهض الريش يم اعيالها
يامودي العلم ياللي على بنت النجيب = لاتغر من الرسن يوم زاد جفالها
وانحر اللي صار من دونهم دو يهيب = لين ابو دارع وقف بالشليله وومالها
وشب ضو بالمراقيب للغايب تجيب = لين غياب العوازم تجيك ارجالها
وجعل غمر تغضب النوم عينه للطبيب = ماتشوعه لابته يوم سمع أفعالها
ويامسوي حمسة البن تنوه السريب = وخطروه الأوله لايجيه فنجالها
واترك اللي بالمواجيب عن ربعه يغيب = يوم ضيان العوازم تشب اشعالها
ويا ابن مانع وصل العلم ابن جامع حبيب = وانهم اللي فيه شوباش من عيالها
محتمين الدار بالخوف واشرب ياشريب = يوم بياع الفحم ما بغى منزالها
تنهم السودة من الصيف رجعان وحبيب = دارنا اللي يوم ثار الدخن جينالها
دارنا هي دارنا وان عوى ذيب لذيب = مانهاب الموت ننزل على نزالها
نازلوهم منزل عقبه الخاطر يطيب = لين ينسى الدار ابن محقبة وجبالها
يوم جاك العلم ياشيخ وعلوم القضيب = قال ابن سلطان دارك بغى منزالها
ويوم جا جمع المعيضي كما سيل الشعيب = اعترضنا مثل طعس حدته ارمالها
نفهق الأول على اللي وراه من الحريب = بأم خمس اللي مخابيطها تعبالها
وانقلب جمع المعيضي يوم أقفى عطيب = ويتمزع مثل بير تهدم جالها
وأحمد اللي بدل الحال بالحال العجيب = وأسمهل اللي على الكبدعقب اغلالها
الشاعر : مساعد القفيدي العازمي :
عقب صبي ماتشبق بالسلاح =يوم استخل الدين والوقت اصطفق
ماشاف يوم فيه كثرنا الصياح=النار شبت فيه والوقت التعق
وجانا صباح وثار مشخول الملاح=وصاح المثاري عند مخلين الفشق
سقنا العمار وما غدى منا مباح=ولاينطح الطمات كل من انفهق
لين الجنوبي جنب الحلة وراح = وعاف الدويش من المعقل وانصفق
خاون ولا عين من الخونة فلاح =بليس زينة وشيطانه نهق
ومن عقب كون نقير يبغون الصلاح= الزود خلاهم يعافون الفسق
الشاعر فهد بن جافور
بادين بالله ولا غيره البادي يصير = وأذكر الله وأشكره عد مارفرف وطار
السلام أثنيه للعود والورع الصغير = من هل العوجا مواكر صواريم الحرار
بشر المقرن وكز لأبوتركي بشير = البيارق سندتله وعدوانه دمار
استوى يوم عبوس على جوبت نقير = قبل نور الصبح ينباج لاوسط النهار
وأمطرت فوقه قنوف مطرها حشرطير= وبلها مثل البرد والهوا لاهوب نار
أوقدوا فيهم بالحراق يامطفى السعير = لين عافوا من طمع لابتى والكل نار
وردووا على العوازم وردوهم صدير = صدروا من شوبت الملح قصاف العمار
كن جظع الزلم بنحورهم مثل الهصير = من قنابر المشوك وبالشرف القصار
ماوطا سيله تعشاه دالوبه ضرير = ماخبر مثله بلأكوان بالدنيا وصار
يوم جونا زاهبين وجيناهم نسير = لين ذووب ذلقت جموعهم ضرب القرار
جعل ربعي بالملاقا لهم حظن كبير = جمعهم يركض على الموت ياجاله شرار
خابرين فعل ربعي معطشت الذخير = من على عصر الفتيل المعقل مايزار
المعقل دونه الموت طيره مايطير = شايطن بطرافه الموت شيطات العشار
ربعي العطوان عز الضعيف والقصير = من نهق فسقان حطوا برجليه الهجار
لين يبرك ثاوين يرغا عقب الهدير = وان حصله ينطلق همل الفتنه ونار
الشاعر : زهير المواجي( فى نقير)
ويوم شفناهم عدينا عليهم صاملين = مافهقنا اليوم هذا ليوم وراه
استوى يوم عبوس يهيل المرضعين = وسط جو نقير عجه تركز فى سماه
اليا مشينا ضربنا يودع القاسي يلين = جمعنا للجمع الأدنى أعدمه يوم امتلاه
اعتلجناهم مع الجو مع حد البطين = لين خلا حلته والوطن اللى بغاه
نعم ياربعي نهار الملاقا الطيبين = فى نحاهم ينطلون العشا للي اشتهاه
كم صبي نسدحه دون جرعات الحنين = من سبايب ضربنا طاح يوم الله رماه
شيخهم يالابتي صار عيار ذهين = ادرق عنا وحط السرايا من وراه
هو درى انا نذبح الشيخ من طول السنين = صد عنا ما بغانا وثمن للحياه
هسه الشيطان يبغي حلال المسلمين = قال أنا دينت واثريه مشتال بلاه
وهمل الهجره وخلا الاخوان الصالحين = يم حضران بعضهم يكبون الصلاه
كل مازل الشهر جو علينا زاهمين = لين نذهبهم ونذبح قرايعهم بداه
ويوم زل الكون جونا علينا مصلحين = وليت (ابن مانع) عن الصلح عيا مابغاه
الشاعر : مبارك العكيلي (فى نقير)
عساه مايسقي نقير الشخاتير = وعساه مايسقيه نو الخيالي
وعساه مايزييه مزن مزابير = يجنب عن البيضه ويشمل شمالي
مع كل يمه صار هيج ومخاسير= وتهايلت ماعاد فيها عدالي
جو بنقير مير ماعينو خير = ماسرهم جمعه على كل حالي
تجمعهم يبون كسب المغاتير = وردوا علينا جعلهم للكمالي
وعيوا عليهم لا بتي بالمعاسير = بالفعل ماهو قول هرج يقالي
بضرب أم خمس اللي تفج النواحير = وضرب أم تاج مفرقة كل غالي
وشرف قصار فى يدين المناعير = لياجالهن وسط المجالس مجالي
اليا تعظم رميهن به سواعير = فى ملتقانا فى مسيل السهالي
ودون المحارم مانجي المعاذير = والعذر ماينطح وجيه الرجالي
وردوا وصدرنا عليهم من البير = وياما انقصف من بيننا من الآجالي
وياما غدا من بيننا من مخاسير = من الخيل ولا من نوادي العيالي
كم واحد منهم رمته المقادير = وخلوه ربعي طايح مايشالي
وخلوه كنه من خشب طية البير = وخلوا عليه أمه تكحا الرمالي
نار الدويش وراح جمعه طماير = ولا منهم اللي ردها للتوالي
صوت على ذيب النقيره مع الطير = ياكل افطاح مبهرين الدلالي
ربع بهم ياذيب فى جوبة نقير = ياعلها فيهم عقب ماجرالي
للشاعر / صالح الغضوري العنـــــــــــــــزي، (نقير)
مزنه في شعيب نقير هلت ومطرها=امطرت واستهلت باشهب الملح غيره
صار دخانها والزلم كثرت عثرها = يوم اشبوا اهل البل في متلاهم سعيره
قومهم يوم غارب ربي اللي كسرها = واحمد الله عليهم كل كون كسيره
المعادي اشتهى عرب رعت في ديرها = ما درى انها على اللي مشتهيها عسيــره
يوم حضــب جموعـه والبيــارق نشــرها = قال : يارجـال خلوهـا عليهـم مغيــره
مـا درى ان العــوازم قاضبيـن نحرهـا = محتسين لقومــه كـل شــرفا قصيـــره
وقومهم يوم غارت عودت مع عثرهـا = وصار في وسط جمع المعادين نطل العثيــره
واذبحوها العوازم وركبوا في نحرهـــا = واحشرومهم وبسوى الموت والله حشــيره
ولي الادبار من ضرب العوازم حشــرها= ليـــن كـل توســع وانهــزم في منــيره
شيخهم عاف قومــه يوم ربــي عثرهــا = والمعــادي ربعــه ذبحــوا بــالجريرة
يطلب الصلــح"فيصل" عاف تالي قشــرها= شاف ماعاد له بالكون هذا نصيــره
(شيخ غياض)يذكر كل شوبه حضرهــا = ما اتقى عن ربوعـه يوم شـاف الكبيـــره
و(أبن جــامع) جموعه ربي اللي نصرهــا = سعد من عانه الله بالليــالي العســيره
من قديم على العدوان يذكــر ظفرهــا = من نطحهم يعود وفي جموعــه ضريـــره
كم هنـــوف من الخــوان هلــت عبرهـــا = ذا ذبيـــح ولـد عمــه وهـــــذا عشـــيرة
قصيدة أيضا لشاعر الوهيده (فى نقير)
من نوانا بالحرايب يجينا لا يغيب = نوفى الديان و الخد مليان ٍ براح
ياخذه من سلة ٍ توفى الدين الطليب = تايهن من هاش سبع القبايل ما استراح
كل جمع ٍ فى نحانا لزوم انه يعيب = ضربنا يشبع به الطير خفاق الجناح
جابهم نايف لنا و جمع كل الجنيب = و التقينا و ارعد الجو من شوب الملاح
كم صبى ٍ زارنا و انقلب منا عطيب = ساحنين ادواه من يوم جانا بالصباح
فى الملاقا نرد ورد الضحايا للجليب= من وقع بنحورنا من سحاب الملح طاح
سعد من حن فزعته وان عوى ذيب لذيب = لابة ٍ ياجا الملاقا يروون الرماح
من عصور ماضية ما يخونون القريب = عندهم له منزل ٍ حاشمينه لين راح
للشاعر صالح الغضوري العــنــزي ( نــقــيــــر)
صالح الغضوري يلعب جواب له = افهموا في جواب قايله زيــني
يانديبي على اللي زينوا دلـه = بالوصايف مثل طفق الشياهينــي
يامشي كن ياطاله على ملــه = منوت اللي يودي العلـم من حينــي
يالفيت المعادي ولابته قل لــه = قل تراهم على العــادة ضريرينــي
العــوازم معيــين عن الحلــه = بـأم خمس والطويلــه وأم تــاجيـنـي
سعد منهــم نهــار الضيــق ربع لـه = ذاريــين على ذبح المسميـــنــي
دولة ليـام مشت ماتطري الزلــه = ومن نطحهــم يعود خاطره شينـــي
ويوم جتهم جمـوع المعــادين منهلــه = والعــوازم على الهـوش متواصينــي
دون شهب الغــوارب حاشـة السلــه = عـدت القوم عن كل الســوادينـــي
يوم ثـار الدخـن والقوم منشــله = عودوا عن محارمهم معيفينـــي
والبيارق خذوهم من هلـه كلــه = واحد غبه ودوه عينيــنــي
يوم نـار المعـادي جعلـه العلـه = عاف شردان من كسب البعارينـــي
يحســبن العـــوازم لقطــه الجلــه = يوم يجلب على سوق الدكــاكينـــي
مــا درى ان العـــوازم محتسيــن لـــه = من بغى حربهـم للحــرب مضحـيــنــي
قال : عبدالله بن ماضى هذه القصيدة فى حرب نقير
0
العوازم لابتى صكوا السودة بسور = عقب كون نقير محد ٍ نزل بأطرافها
عقب يوم ٍ فى رضا جاء على العجمى دبور = وا لجنايز مثل نطل الهشيم احفافها
يوم ابن حثلين رثع وجمع له نشور= باقى منزالها ثم عقب ٍ عافها
البيارق شلعت منه و البندق تثور = من عيال ما ترد العيون خلافها
تاكل العرجا و تاكل مغاليث النسور= و الجثايا طايحه ما تعرف اصنافها