السلام عليكم ورحمة الله وبركاته
هذه قصيدتي المتواضعة في فقيدنا
الأخ والشاعر الكبير:دغش البطي الغييثات
واسمحولنا على القصور::-
ياعين هلي صافي دموعي=وأن غلّق الصافي هاتي سريبه
جاني علمٍ زوّد وجوعي=هموم وأوجاع لقلبي تذيبه
علم يمزع روحي من ضلوعي=علمٍ لفاني ليت محدن لفيبه
الخبرلفا وفاة زين الطبوعي=أبو محمد يالله أنك تبيحه وتثيبه
لابوتس دنيا تفرق شمل الجموعي=تفرق بين كل حبيب وحبيبه
فرقت بين أحباب راعي السنوعي=دغش مكانه محدن يجيبه
دغش مكانه في القلب مرفوعي=له قدرغلا وعزةٍ عجيبه
ياونتي ونة ذيابٍ من الجوعي=قامت تعاوى والجوع مكّن صويبه
على فرقا دغش خير الربوعي=شهم على المكارم مافيه مريبه
يالله وأنا طالبك ياوامن الروعي=ترحم حاله ياعظيم المهيبة
يالله وأنا طالبك ياوامن الروعي=تسكنه جناتك تطمن قليبه
وختامها صلوا على سيد الجموعي=محمد في الفردوس معتلي به