قال ابن سالم سلامي مثل غيثً صبوب = هل من وبل المزن وارتوى قاعً جديب
عد عقبانً تهيت على صيدً وثوب = عد بنتً للبدو شوقها خض الحليب
مرحباً ماغرد الطير نشوانً طروب = وكل ماوقع جناحه على عودً رطيب
ديرتي الأفلاج روضً ومن نجدً جنوب = ارضنا غدران والسيل مجرىً في الشعيب
أشهد ان ليلى هواها عليلً لي دعوب = ياسقى الله ديرتي من بعيد ومن قريب
النفيله شيخةٍ مالحقها من عيوب = خلقةٍ فينا من اللي على خلقه رقيب
حنا خطلان الأيادي على الحرشا ركوب = ربعي الفرجان لامن عوى ذيبً لذيب
آل جارالله لابتي لاحتما الموقف شبوب = نقدح زناد الشجاعه شبابً مع مشيب
ضيفنا يذبح له الحيل وبنً له شروب = نكرم العاني بجوخً ومدهاله يطيب
لي خوالً تغلبيه نهارً به وجوب = كم عدوً قد تنكد غدا نومه حريب
هم سلاطين الغريري عن العليا تنوب = ومن بقا العليا تنشد وبرق يالبيب
والختام صلو على اللي هدانا للدروب = النبي محمدً مصطفى عن كل عيب
الشاعر العزيز والاخ الكريم :ابو سالم " سعد ال جارالله"
ارررررررحب ثم اررررحب ترحيبةٍ تحمل جزل القصيد في مقامك العالي
والله يابو سالم مدري من اين ابدى الكيبور تعطل والانامل يبست
والقلب زاد نبظه مما شاهد جزل القصيد وقوت المعاني التي تحملها
ما شاء الله تبارك الله اسال الله رب العرش العظيم ان يهنيك في عمرك
وان يبارك في احساسك وان يقاك من كل شر
هذا القصيد الذي يرن في الاذهان ويشربه الفؤاد
ابو سالم صح الله السانك وعتلا شانك
وزادك الله من زوايد فضله التي لا تنقضي
ابو سالم حبت خشم على مابديت من جزل القصيد.
ونعم فيك وفي اخوك حمد وفي ابوك وجدك ترثة المناعير
ابو سالم تقبل مني فائق التقدير والاحترام والاعتزاز في شخصك النبيل
اخوك / فهد بن هادي الغريري