ياسلام الله على اللي يعـزون القصيـر=لابـةٍ بيـن القبايـل رفيـعٍ شآنـهـا
أحمد الله لابتـي شآنهـا شـآنٍ كبيـر=كلها من فضل ربـي وفعـل أيمانهـا
والدواسر دارهم مالهـم فيهـا خشيـر=كون من توسم عصاته يسـج أوطانهـا
ومن غزى دار الدواسر لقى اليوم العسير=من غزاهـم حرمتـه يتَمـوْ ورعانهـا
ألآد زايد تارد الموت لاصـاح النذيـر=مخبـل اللـي طامـعٍ باغـيٍ حدَانهـا
والله إنَا نوفي الكيل فـي شـرٍ وخيـر=ومانهـاب الحـرب لاولَعـت نيرانهـا
كم عقيدٍ دم رأسه تحـت رجلـه يحيـر=من يدين الفارس اللـي حفـظ نيشانهـا
والشريف اللي غزانا يبي رأس الجويـر=يحسـب إنـه لقمـةٍ ليَنـةٍ بدهانـهـا
مادرى من دونه اللي يفكـون الأسيـر=لآإعتزوْ في رأس زايد يجـن إجنانهـا
جهزوله لابتـي قبـل لاطايـر يطيـر=ألآد زايد جهـزوْ كـل أبـو فرسانهـا
وإنكسر جيشه ولاله مطيـر ولامسيـر=حطموه وصار جثـه تحـت كرعانهـا
وإهتنت عين الجلاوي وريحنا الضميـر=يوم نفسه صابها الخوف مآأحدٍ صانهـا
عدَته بعض القبايل وجا الـوادي مغيـر=واديٍ بـه لابتـي وإحتمـى بركانهـا
ونحمد الله سلمنا كنَـه السيـف البتيـر=والدواسـر سلمهـم مسَسِـه جدَانـهـا
وإن لفوْ الخطَار دار الدواسـر ماتحيـر=للضيوف مشرَعـه كـلَ أبـو بيبانهـا
اخترت فوفقت وكتبت فابدعت
وياقرم الشياحين لاهنت
وتقبل فائق ودي وتقديري
اخوك ابو زيد