اقتباس:
|
المشاركة الأصلية كتبت بواسطة فهد الغريري
الـطـيب فـعـلٍ جـمـيـلٍ للـمـخـالـيـق=يسـتاهـلـه كـلِ رجـالٍ يـصـونــه
والمرجله تبغـي عـيالٍ عـشـاشـيـق=وأفـعـالـهـم تقصر الأنذال دونــه
والمـدح مايزهـاه كـون المطـالـيـق=اللـي لاقـيـل الـنـعـم يـستاهلونــه
شروى شجاعٍ فـعـولـه بالـتـواثـيـق=أبي أمدحه والنشامى يمدحـونـه
أبــو سهيلي لــه الأمـــداح وتـلـيـق=لامر ذكـر الـوفـاء سحمي زبـونـه
قرمٍ رقى بالوفاء روس الشـواهيـق=والطيب لو هو صعيبٍ ياصلونـه
له كـلـمـةٍ تـجـري بـدم الـمـعـالـيــق=أبـشـر بعـزك يهـون اللي تبونـه
أبوه رجلٍ ينومس سـاعـة الـضـيـق=قـرمٍ وكـل الـنـشـامـى يدهلونــه
وخواله اللي تضـد الـجـمـع لاسـيـق=مـيـقـافـهم بالشجاعه يذكرونــه
وجدَانه اللـي يلامـن نـشـَف الـريــق=الـجـو لـو شـب نـاره يـاردونــه
ومــادام سحمي حـفـيـدٍ للـمـطـالـيــق=الطيب مآأستـغـربه لو يفعلونــه
وياجعل حظَـه مـع زيـن التـوافـيــق=ويكفيه شر الـبلاوي والمهونــه
اخوي العزيز الغالي ابومحمد "دغش البطي"
صح الله السانك وعتلا شانك على هذي القصيده الرااائعه
وعز الله انها شامخه من شموخ راعيها جعله يحيا
ويستاهل ابن نصار ما كتب فيه ومن كريم إلى مستحق
ونتظر جديدك الجزل جعل عمرك طويل على طاعته.
تقبل تحياتي وتقديري واحترامي
اخــوك / فــهــد الــغــريـــري,, |
الجار العزيز والرفيق الوافي المخلص : فهد بن هادي الغريري
يامرحبا والله ومسهلا ياابو راشد والله العظيم إني صادق
يامرحباً هيل عد السيل
يامرحباً مدد متنحصي بالعدد
يامرحباً من باب الجنوب إلى باب الشمال
مرورك يشرفني لاعدمتك وجعل من أرثك في الجنة
واشكرك جزيل الشكر على الثناء والأطراء
لاهنت ياذيبان وبيض الله وجهك وجعلك ذخر لبني عمك كافة
تقبل ودي وتقديري وشكري وعرفاني
محبك ومحب الجميع : " أبو محمد "