[معلومات العضو عبدالكريم البليهي]

بسم الله الرحمن علام ما كا ن =مبداي وباسمه انتهي في كلامي
اهلآ هلا بكل العمومه والاخوان= يا مرحبا ما ناح طير الحمامي
سلام منا عد ما هل هتا ن = وعد الذي صلى لربه وصامي
واللي ورد للبيت عاني ولهان= وعداد من طافه بوقت الزحامي
سلام احلى من نقع هل الامزان= لاصار بارد في لهيب المضامي
وبدي ثنى مني لجدي بليهان = راع الكرم يوم الكرم له مقامي
يومن ولد اللاش خايب و خسران= حنا الصياني يقلطونه عمامي
والضيف له حشمه وقيمه وميزان= حقه علينا ياخذه بالتما مي
والجار يامنا و حنا له اخوان = وبعون ربي عندنا ما يضامي
ومحتاجنا ما يلحقه أي نقصان = نرفاه يوم الفلس عسر المرامي
حنا البليهي بالمواقف لنا شان = معروف هذا الامر شرق و شامي
والحمد للي محسن خلق الانسان= فينا قلوب صح مابه اسقامي
نسل دواسر فخر و بكل الازمان= اولاد زايد تاج راس أوسامي
أولاد زايد يوم تشتيت الاوطان= تلقى وطنهم فيه برد وسلامي
ما يقربه طامع ولوكان من كان= دونه اعيال ضربهم بالولامي
وصلاتنا ما باع رابح وخسران=على شفيع الخلق يوم الزحامي