عــــلـــــمـــــوه00
ابتدي بالتحيـه عـد رش المـزون =وعد نبت الصحاري في ربوع الخـلا
جابني شوقي اللي ساكنـن بالعيـون =من غلا الغالي اللي بالشكـوك ابتـلا
ما اسعفتني حروفي والمشاكل تهـون =غيرحبن بوسط القلـب مـا ينجـلا
في عيوني مكانه واضح (ن) لو ترون =ومنتداكم بقلبـي فـي مكانـه عـلا
الصراحات راحه مثل ماأنتـو تبـون =والموادع خطير(ن) في بعـاده سـلا
والمشاكل تعقـد نستشيـر الشـؤوون =يا تجينا حلـول(ن) او نباهـا تخـلا
أدمح الزله اللـي عالقـه بالشجـون =لأجل أول حبيب ولأجل اخـر غـلا
منتداكم عشقته وبالخطـا اي يمـون =دام حبـه وعـداد الـغـلا امـتـلا
سلمولي على رعد الخفـوق الحنـون =أشهـد انـي بعهـده والله المبـتـلا
ما أخوّن عهودي لو زمانـي يخـون =ولا أكسـر بقلـب العالـي المعتـلا
لاتطاوع شكوكك مسكنـك بالجفـون =حافظك في عيونـي والرقـاد يحـلا
لا لفتني طيوفك عشت قمـة جنـون =من جنوني انادي سيـد كـل المـلا
ومن غلاتـك ادور بالأماكـن فنـون =في شريطين يندهلـي بنـور الفـلا
علموه المـوده مـا تحمـل طعـون =وعلمـوه الليالـي مـا تـرد بهـلا
لايراود شكوكـه ولايطيـع الظنـون =والزمان الاناني سـاس كـل البـلا
علمـوه الليالـي بالملاقـا تـهـون =دام ايـدي بيـده وش يبـا ينـتـلا
سلمولي عليهـم عـد رش المـزون =وعد نبت الصحاري في ربوع الخـلا
تـــحـــيـــاتــــي000
الـــــعـــــنــــــود