باقولهـا لـو زعّلـت زيـد وعبيـد..!!
اقدم هالقصيدة واتمني انها تجوز لكم لشاعرها ...خوي المطاليق
اليوم كالعاده حسب وضع البشر قلـت القصيـد=قصيدةٍ مـدري وش اكتـب ياعـرب عنوانهـا وادري قصيدي مرّ لو قلته محـد بيقـول عيـد=وبه نـاس واجـد ودّهـا منّـه تسـدّ آذانهـا لنّي أسلّ السيف واضرب به على راس البليـد=واكشـف علـوم العالميـن هزالهـا وسمانهـا أتبع مقولة : ما يفلّ اقـوى الحديـد الاّ الحديـد=وما يستوي سيـر الجمـال الاّ بمـسّ بطانهـا ماجامل المخطـي ولا آداري ولا قبّلـت إيـد=ولا امدح سفاسيف القبايـل طامـعٍ باحسانهـا أصرف ذهب يفرح به العاقل ومفتوح الرصيـد=جزل البيوت وطلبـة العـرّاف خيـر اثمانهـا موضوعها شـيٍ تشوفونـه ولا رحنـا بعيـد=شفتـه وشافتـه الرجـال العاقلـه باعيانـهـا أمور في بعض المجالس منّها ضغطـي يزيـد=واحاول اضبط نفسي اليا جيـت قـدر امكانهـا لكن تعدّت واستضاق الدمّ فـي وسـط الوريـد=ماعاد فينا خيـر لـو نصبـر علـى كتمانهـا باقولهـا باقولهـا لـو زعّلـت زيـد وعبيـد=جا وقتهـا ويـا سعـد عيـنٍ قابلـت ديّانهـا بعض المجالس وضعها يودع على كبدي وقيـد=وضعٍ يخالـف للمجالـس راسهـا بكرعانهـا شيبان وشيوخ و وجيه لطارف المجلس تحيـد=وفي مقدمه صفّت حثـالات البشـر ورعانهـا صدر المجالس للشيوخ اللي تخلّص كـل قيـد=روس الجموع اللي على الدنيـا رفيـعٍ شانهـا والاّ لعـرّافٍ تفـك الهـوش بالـراي السديـد=وتشـرّع حقـوق القبايـل كلـمـةٍ بلسانـهـا والاّ لقـوم الحـرب شيّـال البيـارق والعقيـد=حوض المنايـا لاشتبـك فـي هيّـةٍ دخانهـا والاّ لشيبـانٍ حباهـا الله بالعـمـر المـديـد=شابـت لحاهـا واقبلـت متعنّـزه عصيانهـا صارت تربّع بع خلايف كـلّ هيّـن مـا يفيـد=اللـي تناسـت ويـن مقعـد جدهـا وابوانهـا اللي زمان الخوف تشرد لا بدا الضـدّ العنيـد=واللي زمان الجوع تنخـشّ ان دعـا ضيفانهـا وقام يتسابق له شبـابٍ غـرّه الثـوب الجديـد=ولبس البشوت اللي تبـارق زريهـا بامتانهـا ناسٍ تحس بنقص . تتقدّم لها ركـض وطريـد=فـي ظنهـا قيمـة مكانتهـا حسـب مكانهـا وان جا كبير السـن تبـدا بالتلفّـت والصديـد=بلفيـت مشغولـه تحاكـي الجالسيـن وزانهـا ياقف عسا واحد يقدّر شيبته ، ، لكـن جحيـد=وينحدّ لاطراف المجالـس فـي ذرى بيبانهـا وين المضيّف عن ضيوفه راعي القصر المشيد=عزّ القصور بعز مـن فيهـا مهـو باركانهـا وطبع العزيز يعزّ ضيفانه قبـل صـبّ الثريـد=يضرب حساب اعمارها واحجامهـا واوزانهـا كم جاهلٍ قد شاخ في المجلس على الكرسي وتيد=روس القبايل ما يفـارق مقعـده مـن شانهـا ماهوب زودٍ لا حضر وان غاب ما يحسب فقيد=يسرّحه مدح الضعوف اللـي عطتـه ارسانهـا ردّه لمنزالـه وشـدّه لـو تجيـه ام العبـيـد=وفي جبهته بصّـم يمينـك لا انتفـخ شريانهـا حتّاه يصحا . وان صحا قل له خذ العلم الوكيـد=ولا تنخدع للـي تطبّـل لـك علـى طيرانهـا ياحيف يا نسل الرجال اللي لهـم مجـدٍ تليـد=صرتو رمادٍ من عقـب نـارٍ وقـف دخانهـا بيض اللحا جرتو عليها مالقـت منكـم عضيـد=والله يعقّـب عالـمٍ مـا تحـتـرم شيبانـهـا أمحق مجالس صار فيها القدر ينقص ما يزيـد=اللـي بهـا الرعيـان تتقـدّم علـى عمّانهـا وامحق رجالٍ ما تحصّل بينهـم رجـلٍ رشيـد=يصهل إليـن الغاويـه ترجـع علـى حدّانهـا وباقي مزيد من العلوم ان قال احد هل من مزيد=دنيـاً عجايبهـا كثيـره شيّـبـت غربانـهـا والوقت من بين النزول وبيـن ميعـاد الشديـد=لمحة بصر يـا دوب فيهـا ترتكـز عمدانهـا قلت استغل الوقت وابدع للعـرب قـافٍ جديـد=إمـا اطلقـت حجّانهـا والاّ عقـدت حجّانهـا اليا اطلقت حجّانهـا بتقـول تكفـا عيـد عيـد=واليـا عقـدت حجّانهـا عنّـي تسـدّ آذانهـا وسلامتكــــــــــــــــــــــم |
رد: باقولهـا لـو زعّلـت زيـد وعبيـد..!!
أختي الزين
صح السان الشاعر ولأهنتي على أيردا هذه القصيده... تقبلي مني أرق التحايا و أعذبها من أخوك..... |
رد: باقولهـا لـو زعّلـت زيـد وعبيـد..!!
شكراً عالنقل وصح لسان قايلها |
رد: باقولهـا لـو زعّلـت زيـد وعبيـد..!!
اقتباس:
ومن قال مايهون وبيض الله وجهك علي المرور الطيب |
رد: باقولهـا لـو زعّلـت زيـد وعبيـد..!!
لا هنتي على النقل ابنتنا الزين
و صح السان الشاعر خوي المطاليق وفقك الله ورحم والديك |
رد: باقولهـا لـو زعّلـت زيـد وعبيـد..!!
اقتباس:
بيض الله وجهك علي المرور الطيب لاهنت ياخوي |
رد: باقولهـا لـو زعّلـت زيـد وعبيـد..!!
اقتباس:
اللهـــــــــــم أميــــــــــــن ومن قال ما يهون ........وصح بدنك يابو نواف |
رد: باقولهـا لـو زعّلـت زيـد وعبيـد..!!
الاخت الزين شكرا لك على النقل الرائع والمميز وقصيدة الاخ خوي المطاليق قصيدة
جميلة واكرر الشكر له هو ايضاً اخوك نادر بن فهاد بن نادر |
رد: باقولهـا لـو زعّلـت زيـد وعبيـد..!!
اقتباس:
العفو ولاهنت يابن نادر علي المرور والتعليق الطيب |
رد: باقولهـا لـو زعّلـت زيـد وعبيـد..!!
ياحيـف يـا نـسـل الـرجـال الـلـي لـهـم مـجـدٍ تلـيـد=صـرتـو رمــادٍ مــن عـقـب نـــارٍ وقـــف دخـانـهـا بيـض اللحـا جرتـو عليهـا مالـقـت منـكـم عضـيـد=والله يـعـقّــب عــالـــمٍ مـــــا تـحــتــرم شـيـبـانـهـا صحـ لسان خوي المطاليق وصح السانتس ولاهنتي على نقل هذا النص الجميل نص راائع وبنتظار الجديد ابو زيـــد |
رد: باقولهـا لـو زعّلـت زيـد وعبيـد..!!
اقتباس:
صح بدنك ولاهنت يابن غياااااااااااث علي المرور والتعليق الطيب |
الساعة الآن 08:27 AM
|
Powered by vBulletin® Copyright ©2000 - 2024, Jelsoft Enterprises Ltd.
---