يا نايـــفٍ ليتك معي وســـط بيننـق = في وسط ديرة كلبوها طبيعه
فيها البــنات ارقابـهـن كـــلها عــنق = والجو ممطر والفيافي وسيعه
وخوة نشاماً في المراجل لهم طُرق = وبطاعة الله يتبعون الشريعــه
منهاجــهـم واضح ولا بينهم فـــــر ق = سنة رسول الله وترك البديعه
والكل منهم يشـري الطيب بالـــِْزرق = ويسوق مايملك وما يستطيعه
نفـسه لفعل الطـــيب دايــم تشــوّق = ولكسبة الناموس ياهي سريعه
همــه ارجالٍ افتخـر فيهم بـــصـــدق = وافخر بخوتهم بدارٍ فــــــضـيعه
مابيــن لنكـــاوي وكــمرن وجــيـتـنق = وبوســط إكوالا مبانٍ رفــــيـــعه
فيها السيوله تعرف بكلمة ( الرنــــق ) = وفيها النظام الي يٌحتم تطيعــه
وفيها المنـــارة عـالية تلمس الــــبرق = وبرجيــن توأم والله انها مــريعه
وبها تلفـــريكٍ وحـــدائق وشــوبــيـنق = وبها الـعلوم الغانمة والــسنيعـه
وبها مســاجٍ يجعـــل الظــهر ينــطــق = ويشل منك الــهم هو والفجيــعه
خذنا بها خمسـة عشـر يـوم بالــصـدق = ألذ واحلى من سنــيــن مٌـجيعه
هذي هي الـخــوة على الدين والــحق = وهذا هـــو المكسب لمن لايبيعه
وبختــم كــلامي ياجمـــاعة بـمـنـطــق = رحــمــاك ياربي علينا جــميــعــه
ثم الــصلاة مع الـــسلام الـــمرفّــــــق = على نبيٍّ ألـــتــزمنا نـــطــيــعـــه