|
شوفوا أخت صديقه وش سوت فيه ؟؟؟؟؟؟؟
بدت القصه لما كان سعود يدق على صديقه خالد
ودار بينهم هذا الحوار سعود: هلااااا اخوي خالد شلونك 00 خالد: الحمد لله وشلونك انت 00 سعود: بخير الله يسلمك ويرضا عليك الا ما ودك تطلع معى للدمام بودي اختي نورة لخالتي ونروح بعدين للبحرين وش رايك خالد: والله فكره بس احراج يعني اروح معنا اختك و.. سعود: لااااااا ابد ما فيها شي بعدين نورة زي اختك خالد: طيب اتكلنا على الله وطبعا نورة هذي كانت تموت بخالد فركبت وراه بالسياره وكتبت بورقه (خااالد انا احبك كلمني على رقم 00000) واول ماركبت قامت وحطتها بيد خالد بدون ما يحس اخوها المهم ان خالد قام يقول في نفسه : والله احراج اخوها جنبي وهو اعز اصدقائي وتبيني اكلمها صدق قليلة ادب طبعا البنت ما عجبها ان الولد ما رد قامت تنغزه وتسوي له حركااااااااااااااات !!! هو يروح يمين وهي ورااااه تنغزه ومسكين يروح يسار و يبعد عنها وفي نفس الوقت طبعا ما يبي يحسس اخوها ان في شي جالس يصير عشان ما تصير مشكلة وكارثة..... وشوي والا خالد صرخ في وجه سعود وقاله وقف ..... رد عيه سعود وقاله سلامات خير ان شاء الله .... خالد انحرج مايدري وش يقول ......وقال لسعود بس شفتك تنعس قلت وقف وانا اسوق مكانك لا تودينا في داهيه قام وبدل مع سعود سواقه علشان يبعد عنها. الا ان نورة (ان كيدهن عظيم ) قالت لأخوها وقف السيارة شوي بروح للدوره ... وفعلا وقف ونزلت وبعدين رجعت ركبت لكن من جهة خالد ورجعت لحركاتها والولد صبر لين وصلوا الشرقيه ولما وصلو لقوا خالتها رايحه برى البيت .... راحوا فندق وما لقوا الا جناح واحد فاضي ..... فحطوا نوره في غرفه مستقله وافصلوها بستار ....وخالد وسعود في الغرفه الثانيه .... دخل خالد يبي ياخذ دش الا يجي سعود ويقوله انا بروح اكمل اجرائات الفندق واطلب العشا ....ارتبك خالد وقاله لا تتاخر ...... طول سعود تحت وخالد منتظر داخل الدوره ما يبي يطلع خايف من نوره لا تسوي شي معه ...... وراحت نص ساعه وساعه وسعود ما رجع فقرر انه يطلع من الدوره ويروح يصك الغرفه على نفسه ...... اول ما فتح الباب والا الموبايل حقه يرن رنة رساله والثانيه وراها فاخذ الموبايل وقرا الرساله لقى فيه ( حبيبي خالد معاك نوره ممكن تجي الغرفه عندي سعود يبي يتكلم وياك ضروري)..... اول ما قرى الرساله ويروح جري على غرفته ويفتح النور ويلقى وحده جالسه على السرير ومغطيه وجهها ..... خالد ما درى وش يسوي وقعد يسب ويلعن ويقولها يا بنت خافي ربك انتي ما تستحين !!! اخوك معانا وانا وياه اصدقاء يعني تبين تسوين فضيحة ؟؟!! قامت وحضنته وبهذي اللحظه يدخل سعود اخوها ........ في هذه اللحظه وش تتوقعون ردة فعل خالد ....... وكيف موقفه قدام سعود ....... وشلون يشرحله ........ وهل ممكن يصدقه ....... والمسيكين انخبص عقله واغمى عليه ...... ويقعد سعود وأخته يضحكوووون ضحك سنة بساعة ويحاولون يصحون خالد ويحاولون يقومون فيه .. ويقولون له قووم قووووووووم مافي نوره ولا شي ... طبعا اخت سعود مو بنت!! هاذي واحد من الشباب هاهاهاااااااا بس لابس عباه ومسوي نفسه بنت عشان يسوي مقلب ومسكين خالد أكلها أكل لو كنتو مكان خالد أو سعود وش كنتو بتسون ؟؟؟هل ستتعدا هذا الاختبار (( معليش أنادائماً لازم أسوي مقالب )) (( تكبرون وتنسون )) وتقبلوا خالص تحياتي أخوكم :- عبدالله آل بريك ------------------------------------------------------ |
رد: شوفوا أخت صديقه وش سوت فيه ؟؟؟؟؟؟؟
هههههههههههههه <<------<< طول ماهي تقرى الموضوع .. وهي تقول الله يهدي أخته ويصلحها وان شاء الله ماينحط احد من اخواني الاعضاء بهالموقف .. لأنه صعب ومحرج !! تقبل تحياتي .. |
رد: شوفوا أخت صديقه وش سوت فيه ؟؟؟؟؟؟؟
مشكووووووووووووووره اختي الغاليه (( بنت بدوي )) على مرورك وتعطيرك الصفحه
بالرد الرائع والجميل والمتميز والممتاز والمعطر بأحلى ورورد الصباح وتقبلي خالص تحياتي اخوك :- عبدالله آل بريكـ |
رد: شوفوا أخت صديقه وش سوت فيه ؟؟؟؟؟؟؟
انا اقول أنه موقف ماله داعي لاهنت يالقرم على هذه القصه وانت دائماً تمتعناً بكل جديد وطريف ومميز لك اجمل وارق تحيه من اخوك/ابن وتيد |
رد: شوفوا أخت صديقه وش سوت فيه ؟؟؟؟؟؟؟
مشكوووووووور أخوي ابن وتيد على مرورك وتعطيرك الصفحه بالرد الجميل
وعلى قولتك هذا مو موقف ماله داعي ألا مال أمه داعي الرجال أغمى عليه وكان بيموت لكن نقول يا شين مزح شبابنا ههههههههههههههههههههههههههههههههههه |
رد: شوفوا أخت صديقه وش سوت فيه ؟؟؟؟؟؟؟
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههه
بس خويه طلع رجال لاهنت يا عبدالله تقبل تحياتي |
رد: شوفوا أخت صديقه وش سوت فيه ؟؟؟؟؟؟؟
مشكووووووووور اخوي عبدالرحمن الشرافي على مرورك الطيب
و أنت صادق الرجال طلع قررررررررم ولو صديقه فيه خير يتمسك فيه أكثر و أكثر |
مشاركة: شوفوا أخت صديقه وش سوت فيه ؟؟؟؟؟؟؟
لاهنت يالقرم على هذه القصه
وانت دائماً تمتعناً بكل جديد وطريف ومميز |
مشاركة: شوفوا أخت صديقه وش سوت فيه ؟؟؟؟؟؟؟
مشكوووووووووووور يا رعاد على المرور والرد الرائع والممتع
وتقبل خالص التحايا |
مشاركة: شوفوا أخت صديقه وش سوت فيه ؟؟؟؟؟؟؟
هههههههههههههههههههههههههههههههههههههههههههههههههه ههههههههههههههههههههههههههههههههههههههههه يــووومه .. اندمجت وانا اقرى القصه ... قلت يوومه وسوو شفيها هاذي مهب صااحيه .. ابدن البتــه ... بس واللــه الموقف .. يعني .. قوووي .. هذا مقلب .. امحق .. الرجال مغمن .. بالتنوين بعد .. عليه .. وهم يضحكوون ... هههههههههههههههههههههههههه مهب صاحيين .. ابد ... يعطيــك العافيه .. وتسلم .. اخوي .. عبدالله آل بريك .. على ذا القصه .. لاهنت .. وتقبــل تحيــــــــاتـــي .. المـزوون .. |
رد: شوفوا أخت صديقه وش سوت فيه ؟؟؟؟؟؟؟
السلام عليكم
أخوي عبدالله دائما مميز في المقالب أتمنى لك دوام الصحة ودمت بود واللي زاد المعزة أكثر اسمك 0000000000 أخوك : سلطان الوادي 0 |
الساعة الآن 01:21 PM
 |
Powered by vBulletin® Copyright ©2000 - 2024, Jelsoft Enterprises Ltd.
---